Sağlamlıq

Botoksdan sonra görmə və nitq pozuntusu riski artır

29 Sentyabr 2025 20:15
Baxış: 725
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Son illərdə estetik prosedurlar arasında geniş istifadə olunan botoks inyeksiyaları ilə bağlı yeni narahatlıqlar ortaya çıxıb. Mütəxəssislər botulinum toksininin sinir sisteminə mənfi təsirlər göstərə biləcəyini bildirirlər.

Milli.Az xəbər verir ki, araşdırmalara əsasən, yüksək dozada və ya qeyri-peşəkar şəkildə vurulan botoks sinir impulslarının ötürülməsini ləngidə və ya bloklaya bilər. Bu isə bəzi hallarda əzələ zəifliyi, görmə problemləri, nitq və udqunma çətinliyi kimi nevroloji əlamətlərlə müşahidə oluna bilər.

Nevroloqlar qeyd edir ki, botoks əslində sinir-əzələ əlaqəsini müvəqqəti dayandıraraq əzələlərin hərəkətini məhdudlaşdırır:

"Lakin bu müdaxilə bəzən orqanizmin başqa hissələrində də təsir göstərə və gözlənilməz nəticələrə səbəb ola bilər. Xüsusilə botoks toksini sinir uclarından mərkəzi sinir sisteminə keçərsə, ciddi fəsadlar yarana bilər".

Qeyd edək ki, hazırda dünya üzrə bir sıra ölkələrdə botoksun yan təsirləri ilə bağlı məhkəmə işləri aparılır. ABŞ Qida və Dərman Administrasiyası da bu məsələyə diqqət ayıraraq, botoks məhsulları üzərində xəbərdarlıq etiketlərinin olmasını tövsiyə edib.

Mütəxəssislər bildirirlər ki, botoks prosedurlarını yalnız sertifikatlı və təcrübəli həkimlər həyata keçirməlidir. Həmçinin, pasiyentlər inyeksiyadan öncə öz tibbi keçmişlərini və sinir sistemi ilə bağlı hər hansı problemi həkimə bildirməlidirlər.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.