Sağlamlıq

Baş dərisini "deşmək" saç çıxardır?

10 İyul 2025 19:12

Baxış: 1 558

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Son dövrlərdə geniş yayılmış dəri baxım vasitələrindən biri olan dermarollerin effektivliyi barədə dermatoloqlar fikirlərini bölüşüb. Onların sözlərinə görə bu alət düzgün istifadə olunduqda dəriyə müsbət təsir göstərə bilər.

Milli.Az xəbər verir ki, dermaroller dəridə mikroiynələr vasitəsilə xırda deşiklər açaraq kollagen istehsalını stimullaşdırır. Bu isə dərinin yenilənməsinə, xırda qırışların azalmasına, məsamələrin daralmasına və çapıqların yüngülləşməsinə səbəb ola bilər.

Mütəxəssislər bildirir ki, ev şəraitində 0.25 mm-dən 0.5 mm-ə qədər iynəli modellərdən istifadə tövsiyə olunur. Daha dərin təsirli iynələrlə işləmə isə yalnız dermatoloji nəzarət altında aparılmalıdır. Dermarollerin nəticəsi adətən 1-3 ay ərzində müşahidə olunur.

Həkimlər qeyd edir ki, alət gigiyenik qaydalara uyğun istifadə olunmazsa, infeksiya riski yarana bilər. Həssas və iltihablı dəridə, eləcə də gözətrafı nahiyədə ehtiyatlı olmaq məsləhət görülür.

Dermatoloqlar bu məhsuldan istifadə etməzdən öncə mütləq peşəkar məsləhət almağı vacib hesab edir.

Milli.Az