Sağlamlıq

3 həftədən uzun davam edən səs xırıltısına DİQQƏT

22 Aprel 2025 21:48

Baxış: 1 287

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #XƏSTƏLİK

Qırtlaq xərçənginin erkən əlamətlərindən biri uzunmüddətli səs xırıltısı ola bilər.

Milli.Az xəbər verir ki, Karadeniz Texniki Universitetinin (KTÜ) Qulaq-Burun-Boğaz mütəxəssisi dos. dr. Hatice Bengü Çobanoğlu xəbərdarlıq edib ki, 3 həftədən çox davam edən xırıltı mütləq həkim tərəfindən yoxlanmalıdır.

Onun sözlərinə görə, səsdə dəyişiklik bəzən sadə səbəblərlə - məsələn, çox danışmaqla - əlaqəli olsa da, bu əlamət daha ciddi xəstəliklərin, xüsusən də boğaz xərçənginin xəbərçisi ola bilər. "Xüsusilə siqaret çəkən və spirtli içki istifadə edən şəxslər bu simptomlara qarşı daha diqqətli olmalıdır", - deyə o bildirib.

Dos. dr. Çobanoğlu əlavə edib ki, erkən mərhələdə diaqnoz qoyulan hallarda boğaz xərçəngi lazerlə ağız içindən çıxarılaraq həmin gün xəstə evə buraxıla bilər. Lakin irəliləmiş hallarda radioterapiya, açıq cərrahiyyə və hətta qırtlağın çıxarılması kimi tədbirlər tələb oluna bilər.

"Xərçəngdən deyil, gecikməkdən qorxmalıyıq", - deyə Çobanoğlu vurğulayıb.

Fidan
Milli.Az