İdmandan sonra ağrıları necə azalda bilərik?

İdman və fiziki fəaliyyət sağlamlıq üçün vacib olsa da, intensiv məşqlərdən sonra əzələlərdə ağrılar meydana gələ bilər. Lakin bu ağrıları azaltmaq üçün bir neçə sadə üsul mövcuddur.

Milli.Az xəbər verir ki, idmandan sonra bədənin bərpa olunmasına imkan vermək ən vacib addımdır.

Ağrıların qarşısını almaq üçün məşqdən sonra kifayət qədər istirahət etmək lazımdır. Bədənə sağalma imkanı vermək əzələlərin yenidən güclənməsinə kömək edir. Soyuq kompresslər əzələ və oynaqlarda şişkinliyi və iltihabı azaltmağa kömək edir. Məşqdən dərhal sonra soyuq bir kompress tətbiq etmək ağrıları yüngülləşdirə bilər. Əksinə, isti kompresslər qan dövranını artıraraq əzələlərin rahatlamasına və gərginliyin azalmasına kömək edir. İdmandan sonra əzələlərə masaj etmək qan dövranını yaxşılaşdırır və gərginliyi azaldır. Masaj əzələlərin elastikliyini artırır və ağrıların azalmasına kömək edir. Eyni zamanda masaj endorfin istehsalını stimullaşdıraraq ağrıları yüngülləşdirə bilər. Məşqdən sonra yüngül streçinq hərəkətləri etmək əzələlərin sıxılmasını azaldır və ağrıları azaltmağa kömək edir. Hərəkətlər bədənin elastikliyini artırır və gərginliyi azaldır. Ancaq bu hərəkətləri çox güclü və ya sürətli etməkdən çəkinmək lazımdır, çünki əksinə zədələnməyə səbəb ola bilər. İdmandan sonra bədənin su balansını bərpa etmək çox önəmlidir. Dehidratasiya əzələ ağrılarını daha da artırabilir. Su içmək və elektrolit tərkibli içkilər qəbul etmək bədənin bərpasını sürətləndirir və ağrıların qarşısını alır. İdman sonrası əzələlərin bərpası üçün düzgün qidalanma çox vacibdir. Yüksək keyfiyyətli zülallar, karbohidratlar və omeqa-3 yağ turşuları əzələ toxumasının sağalmasına kömək edir.

Eyni zamanda, ağrıları azaltmaq üçün bəzi əlavələr, məsələn, zəncəfil və kurkuma, anti-inflamatuar təsir göstərərək ağrıların azalmasına kömək edə bilər. Bəzi idmançılar məşqdən sonra isti və soyuq vannaları növbə ilə qəbul etməyi tövsiyə edirlər. İsti vanna əzələlərin rahatlamasına kömək edir, soyuq vanna isə qan dövranını artırır və iltihabları azaldır. İdman sonrası ağrıları azaltmaq üçün bədənin dinlənilməsi və bərpa olunması çox vacibdir. Müvafiq yanaşmalarla bu ağrıları minimuma endirmək mümkündür və daha sağlam bir bədənə sahib olmaq üçün həm fiziki, həm də emosional olaraq rahatlamağa diqqət yetirmək lazımdır.

Asya
Milli.Az