Sağlamlıq

Bu qidalar beynimizi məhv edir - DİQQƏT!

27 Yanvar 2025 14:45

Baxış: 5 650

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Bu gün qida asılılığı böyüklərin 14%-ni, uşaqların isə 15%-nə təsir edən ciddi problemə çevrilib.

Milli.Az xəbər verir ki, bu asılılıq əsasən, son 50 ildə geniş yayılmış və insanları daha çox yağ və şəkərlə zəngin qidalar yeməyə təşviq edən qidalanma tendensiyalarının nəticəsidir.

Tədqiqatçılar vurğulayır ki, artıq emal edilmiş qidalar dopamin hormonunun sərbəst buraxılmasını stimullaşdırmaqla insanın daha çox istehlak etməsinə səbəb olur. 2022-ci ilin mart ayında bu sahədə aparılan araşdırmanın müəllifləri, bu tip qidaların alkoqol və tütün məhsulları kimi ölümlərə səbəb ola biləcəyini göstərdilər. Miçiqan Universitetinin psixologiya professoru Eşli Gearhardt qeyd edir ki, bu məhsullar insanların beynini sürətli və təsirli şəkildə manipulyasiya edərək asılılıq yaradır.

Yağ və şəkərlə zəngin qidaların beyinə təsiri olduqca mürəkkəbdir. Bu təsirin əsas mexanizmlərindən biri dopamin hormonunun sərbəst buraxılmasıdır. Dopamin insanı təkrarlanan davranışlara təşviq edir və onun səviyyəsinin yüksək olması həmin davranışların davamlılığını təmin edir. Aparılan araşdırmalara görə, bu cür qidalar beynin mükafatlandırma sistemində dopamin səviyyəsini normadan 200% daha yüksək artırır.

Hazırda mütəxəssislər bu problemin həlli yollarını araşdırır. Gearhardt hesab edir ki, yüksək emal edilmiş qidalara qarşı mübarizə aparmaq üçün siqaret istehlakını azaltmaq məqsədilə tətbiq olunan metodlardan istifadə etmək olar. Bu isə həm qiymətlərin artırılmasını, həm də marketinqin məhdudlaşdırılmasını əhatə edə bilər. Eyni zamanda, insanların bu qidaların sağlamlığa təsirindən daha yaxşı xəbərdar olması üçün maarifləndirmə işlərinin genişləndirilməsi təklif olunur.

İslam
Milli.Az

Milli.Az - Xəbər Portalı

Bu qidalar beynimizi məhv edir - DİQQƏT!

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?