Ölkə

Bir fotosu ilə gündəm olmuşdu - Yüksək vəzifəyə təyin olunan Elgün Səmədov görün kim imiş - FOTO

3 Sentyabr 2025 14:49

Baxış: 15 835

VTB-də minimal faiz dərəcəsi ilə nağd kredit 9.9%-dən

#TİBB #SƏHİYYƏ

Xəbər verdiyimiz kimi, Elgün Səmədov səhiyyə nazirinə yeni müşavir təyin olunub.

Milli.Az xəbər verir ki, Elgün Səmədov Aprel döyüşləri zamanı xüsusi fəaliyyəti ilə seçilmişdir. E.Səmədov 4 günlük müharibədə 100-dən çox uğurlu cərrahiyyə əməliyyatı keçirmiş və Azərbaycan Prezidenti tərəfindən 3-cü dərəcəli Vətənə Xidmətə Görə ordeni ilə təltif edilmişdir.

E.Səmədovun əməliyyatlar zamanı çəkilmiş fotosu isə sosial şəbəkələrdə geniş paylaşılaraq gündəmə çevrilmişdir

Qeyd edək ki, Elgün Səmədov, 27 yanvar 1983-cü ildə Bakı şəhərində anadan olub.

Orta məktəbi Salyan rayonu Noxudlu məktəbində bitirib Azərbaycan Tibb Universitetinə daxil olub. 2006-cı ildə Hərbi Tibb Fakültəsindən tibb xidməti leytenantı kimi məzun olub Gədəbəydə yerləşən hərbi hissədə tabor həkimi işləyib.

Daha sonra Müdafiə Nazirliyinin digər hərbi hissələrində müxtəlif vəzifələrdə Tibb xidməti mayoru rütbəsinə qədər yüksəlib.

Həmçinin, Türkiyənin Gülhanə Hərbi Akademiyasında cərrahiyyə üzrə təkmilləşdirmə kursu keçib.

Daha sonra fəaliyyətini Milli Onkologiya Mərkəzində onkoloq cərrah kimi davam etdirib.

Mehman Əsədov
Milli.Az