İdman

Anxel Di Mariya buna görə karyerasını bitirmək istəyir

22 Avqust 2026 22:43

Baxış: 199

VTB-də minimal faiz dərəcəsi ilə nağd kredit 9.9%-dən

Argentinanın "Rosario Sentral" klubunun hücumçusu Anxel Di Mariya Libertadores Kubokunun 1/8 final mərhələsinin "Korintians"a qarşı cavab oyunundakı (0:1) məğlubiyyətdən sonra karyerasını başa vurmaq istədiyini açıqlayıb.

Milli.Az UOL-a istinadən xəbər verir ki, təcrübəli hücumçu ağır məqam yaşandığını, arzularının və davam etmək istəyinin fərqli olduğunu, indi isə gələcəkdə nə etmək istədiyini anlamalı olduğunu vurğulayıb.

38 yaşlı futbolçu ötən ilin yayından çıxış etdiyi "Rosario Sentral" ilə müqavilənin müddətini bu yaxınlarda daha 1 il artırıb. "Transfermarkt" portalına görə onun dəyəri 1 milyon 800 min avro qiymətləndirilir.

Qeyd edək ki, A.Di Mariya daha əvvəl Portuqaliyanın "Benfika", İtaliyanın "Yuventus", Fransanın PSJ, İngiltərənin "Mançester Yunayted" və İspaniyanın "Real" klublarının şərəfini qoruyub./"Report"

Müəllif: Ülkər Vəliyeva (Milli.Az redaktor)