Maraqlı

Qadın nəhəng ayı ilə üz-üzə qaldı: Ağzına zərbə vurub xilas oldu - (Foto)

22 Avqust 2026 14:32

Baxış: 2 743

VTB-də minimal faiz dərəcəsi ilə nağd kredit 9.9%-dən

#HADİSƏ #QADIN #İDMANÇI #HEYVANLAR

Alyaskada yaşayan qadın 350 kiloqramdan ağır vəhşi ayının hücumunu ciu-citsu fəndlərinin köməyi ilə dəf edə bilib.

Milli.Az oxu.az-a istinadən xəbər verir ki, bu barədə KTUU regional televiziya kanalı məlumat yayıb.

Keytlin Leyn Bells-Flets qəsəbəsi yaxınlığında iti ilə gəzintiyə çıxıb. Qızılbalıqların olduğu dərənin yaxınlığında o, qəfildən ayı ilə üz-üzə gəlib. Vəhşi heyvan qadının üzərinə atılıb. Leyn canını qurtarmaq üçün dik yamaca dırmaşmaq qərarına gəlib. O, yuxarı qalxarkən iti ayının diqqətini yayındırıb və bu da qadına daha əlverişli mövqe tutmaq üçün vaxt qazandırıb.

Zərərçəkən televiziya kanalına müsahibəsində bir müddət ciu-citsu ilə məşğul olduğunu bildirib.

"Düşdüyüm vəziyyət eynilə ciu-citsuda məsafə saxlamaq üçün istifadə olunan formanı xatırladır. Bir ayaqla maneə yaradır, digəri ilə zərbə endirirsən. Burada məşqlərin rol oynadığını, yoxsa sadəcə instinkt olduğunu deyə bilmərəm", - deyə o əlavə edib.

Ayı yaxınlaşdığı an Leyn müdafiə olunaraq ayağı ilə onun düz ağzına zərbə endirib. Bundan sonra heyvan hücumu dayandıraraq ərazidən uzaqlaşıb.

Yaşadığı dəhşətli hadisəyə baxmayaraq, Leyn ayını günahlandırmır. O, baş verənləri qəsdən edilmiş hücum deyil, balaları olan ananın təbii müdafiə reaksiyası hesab edir.

Qadın əsasən əziklər və bir neçə səthi cızıq alıb. Onun sözlərinə görə, bu yaralar sürətlə sağalır.

Müəllif: Tural Hüseyn (Milli.Az redaktor)