İdman

Harri Keyn 85 milyonluq təklifə "ağız büzdü"

22 Avqust 2026 14:19

Baxış: 2 148

VTB-də minimal faiz dərəcəsi ilə nağd kredit 9.9%-dən

#BAVARİYA #TRANSFERLƏR #FUTBOL #BUNDESLİQA

İngiltərə millisinin və "Bayern Münhen"in ulduz hücumçusu Harri Keyn Səudiyyə Ərəbistanından gələn astronomik təklifdən imtina edib.

Milli.Az qafqazinfo-ya istinadən xəbər verir ki, bu barədə "Express" qəzeti məlumat yayıb.

Bildirilib ki, Səudiyyə Ərəbistanının "Əl-Hilal" klubu 33 yaşlı futbolçuya illik 85 milyon funt-sterlinq maaş təklif edib. Lakin Keyn bu təklifə müsbət cavab verməyərək, karyerasını "Bayern Münhen"də davam etdirmək qərarına gəlib.

H.Keynin Almaniya klubu ilə müqaviləsi bu mövsümün sonunda başa çatacaq. Tərəflər yeni müqavilə ilə bağlı danışıqları davam etdirirlər və görüşlərin müsbət istiqamətdə irəlilədiyi bildirilir.

Almaniya mətbuatının yazdığına görə, "Bayern Münhen" Keynlə iki illik, futbolçunun özü isə üç illik müqavilə imzalamaq istəyir.

futbolçu 2023-cü ildə "Tottenhem"dən "Bayern Münhen"ə keçib. İngiltərəli hücumçu Almaniya klubunun heyətində keçirdiyi 147 oyunda 146 qol vurub və 33 məhsuldar ötürmə edib.

Müəllif: Tural Hüseyn (Milli.Az redaktor)