Dünya

Braziliyada alimentə görə oğlunu öldürmək istədi - ChatGPT ilə plan qurdu

22 Avqust 2026 23:45

Baxış: 243

VTB-də minimal faiz dərəcəsi ilə nağd kredit 9.9%-dən

Braziliyada 43 yaşlı kişi aliment ödəməmək üçün 14 yaşlı oğlunu öldürməyi planlaşdırmaqda şübhəli bilinir.

Milli.Az xarici mediaya istinadla xəbər verir ki, Eunapolis şəhər sakini bir neçə ay ərzində ChatGPT ilə yazışmalarında oğlunu öldürmək planının detallarını müzakirə edib.

Məlumata əsasən, kişi çat-bota planlaşdırdığı hərəkətləri ətraflı təsvir edib və onların həyata keçirilməsi ilə bağlı məsləhətlər almağa çalışıb.

Sistem təhlükəli məzmunlu mesajları qeydə aldıqdan sonra məlumat ABŞ Federal Təhqiqatlar Bürosuna (FBI) çatdırılıb. FBI isə mümkün təhlükə barədə Braziliya hüquq-mühafizə orqanlarını məlumatlandırıb. Araşdırma zamanı polis kişinin həqiqətən də oğluna qarşı cinayət törətməyi planlaşdırdığı qənaətinə gəlib. Şübhəlinin yaşadığı ünvanda axtarış aparılıb.

Kişi planını həyata keçirmədiyi üçün saxlanılmayıb, lakin faktla bağlı araşdırma davam etdirilir. Braziliya polisi hadisənin ölkədə süni intellekt sisteminin ağır cinayətin qarşısının alınmasına kömək etdiyi ilk belə hal olduğunu bildirib.

Hazırda 14 yaşlı yeniyetmənin təhlükəsiz yerdə olduğu və onun müdafiəsi üçün tədbirlərin görüldüyü qeyd edilir./Lent.az

Müəllif: Ülkər Vəliyeva (Milli.Az redaktor)