Sağlamlıq

Belə kartofları qətiyyən yeməyin - Açıqlama

6 Sentyabr 2025 23:00
Baxış: 21 331
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ #SAĞLAM QİDA

Mütəxəssislər yaşıl rəngə çalan kartofun sağlamlıq üçün təhlükəli olduğunu açıqlayıb.

Milli.Az xəbər verir ki, RОSBİOTEX-in dosenti Polina Kulaç "gazeta"ya bildirib ki, yaşıl kartof təkcə "iştahsız görünən" deyil, həm də zəhərli ola bilər. Risklərdən qorunmağın ən yaxşı yolu düzgün saxlama və yeməkdən əvvəl diqqətlə yoxlamaqdır.

Günəş işığı altında və 4 dərəcədən yuxarı temperaturda saxlanma nəticəsində kartofda solanin adlı zəhərli maddənin miqdarı kəskin artır.

Onun sözlərinə görə, işıqda qalan kartofda xlorofil (zərərsiz piqment) və solanin eyni vaxtda sintez olunur. Solaninin cəmi 2-5 milliqramı insanın hər kiloqram çəkisinə düşdükdə zəhərlənmə yarada bilər. Bu, ürəkbulanma, qusma, qarın ağrısı, başgicəllənmə, ağır hallarda isə halüsinasiyalar və sinir sisteminin pozulması ilə müşahidə olunur. Bişirmə və qızartma toksinin yalnız bir hissəsini məhv edir, yəni təhlükə qalır.

Ekspert bildirib ki, solanin qana düşdükdə ürək-damar, sinir, tənəffüs və ifrazat sistemlərinə zərər vurur, çox miqdarda olduqda tənəffüsün dayanmasına, əzaların iflicinə və hətta ürək dayanmasına səbəb ola bilər. Ən çox risk altında olanlar uşaqlar, hamilə qadınlar və həzm sistemi xroniki xəstəlikləri olan insanlardır.

Kulaç tövsiyə edib ki, kartof qaranlıq və sərin yerdə saxlanılsın, azacıq yaşıl olan hissələr isə qabıqla birlikdə 1-2 santimetr dərinlikdə kəsilib atılsın. Çox pozulmuş və cücərmiş kartofun yeyilməsi təhlükəlidir, onu yalnız əkində istifadə etmək olar.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.