Cəmiyyət

Pul yığmağa mane olan əsas səhvlər açıqlandı

6 Sentyabr 2025 21:00
Baxış: 1 140
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Mütəxəssislər insanların pul yığmasına mane olan əsas səhvləri açıqlayıb.

Milli.Az xəbər verir ki, bu sahə üzrə ekspert Arina Samoylova RT-yə açıqlamasında bildirib ki, pul yığmaqda ən böyük problemlər sistemsiz yanaşma, planlı davranmamaq, mövsümi qiymət fərqlərini nəzərə almamaq və ərzaqları düzgün saxlamamaqdır.

Onun sözlərinə görə, insanlar adətən "qalan pulları" kənara qoymaq istəyirlər, nəticədə isə heç nə yığa bilmirlər. Ən düzgün yol gəlirdən sabit faiz ayırmaq, qalan pulu isə gündəlik xərclərə bölməkdir.

Samoylova həmçinin vurğulayıb ki, plansız xırda alış-verişlər, xüsusən də yeməyə çəkilən qəfil xərclər bəzən büdcənin üçdə birini aparır.

Ekspert əlavə edib ki, mövsüm amili də vacibdir: meyvə-tərəvəz və hətta dənli bitkilərin qiyməti ilin vaxtına görə ciddi dəyişir. Ona görə də, məsələn, qışda çiyələk və ya məhsulsuz ildə qarabaşaq almaq sərfəli deyil.

Digər problem isə ərzaqların düzgün saxlanmaması ilə bağlıdır. Samoylovanın sözlərinə görə, alınan məhsulların dörddə biri israf olur. Sadə vərdişlər - çörəyi və göyərtini dondurmaq, dənli bitkiləri hava keçirməyən qablarda saxlamaq, istifadə müddəti bitmək üzrə olan məhsulları göz önündə saxlamaq - artıq xərclərin qarşısını almağa kömək edə bilər.

İsmayıl
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.