Dünya

Rusiyada iş saatları azaldılır? - Deputatdan açıqlama

6 Sentyabr 2025 23:47
Baxış: 1 046
VTB-də minimal faiz dərəcəsi ilə nağd kredit 9.9%-dən
#DÜNYADA #RUSİYA

Rusiya Dövlət Dumasının deputatı Yaroslav Nilov ölkədə iş saatlarının azaldılması məsələsinə münasibət bildirib.

Milli.Az xəbər verir ki, onun sözlərinə görə iş həftəsinin qısaldılması yalnız texnologiyaların inkişafı ilə mümkün ola bilər və bu proses təbii şəkildə baş verməlidir, inzibati qaydada deyil.

Nilov qeyd edib ki, azalan iş saatları mütləq kompensasiya olunmalıdır: "Ya pul hesabına, ya da texnologiyalar vasitəsilə. Əgər bu, yalnız maliyyə ilə ödəniləcəksə, büdcəyə və şirkətlərə çox ağır yük düşər. Amma texnologiyalar və optimallaşdırma vasitəsilə buna zamanla nail olmaq mümkündür".

Deputat əlavə edib ki, ən yumşaq variantlardan biri "qısaldılmış cümə" ola bilər. Lakin itirilən saatlar həftənin digər dörd günündə kompensasiya olunmalıdır.

Nilovun sözlərinə görə, əsas şərt əməkhaqqının azalmasına yol verməməkdir: "Çünki bəzi sahələrdə maaş göstərilən xidmətlərin və ya istehsal olunan məhsulun həcminə bağlıdır. Elə sahələr də var ki, fasiləsiz işləyir. Buna görə də hər bir halda balans qorunmalıdır. Gələcəkdə texnologiyalar, robototexnika və süni intellekt daha geniş tətbiq olunacaq, amma əsas məsələ əmək və gəlir arasında tarazlığı pozmamaqdır".

İsmayıl
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.