Sağlamlıq

Nə qədər spirtli içki içsək insult olarıq?

19 Yanvar 2025 01:01

Baxış: 1 493

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Spirtli içki qəbul edən insanlarda insult inkişaf riski əhəmiyyətli dərəcədə yüksəkdir.

Qalueya Universitetinin tədqiqatçıları alkoqolun miqdarının beyin iflici ehtimalına necə təsir etdiyini təhlil ediblər. İnsult beyində qan dövranının ciddi pozulmasıdır və iki növdür: işemik (arteriyanın qan laxtası və ya aterosklerotik lövhə ilə tıxanması nəticəsində yaranır) və hemorragik (damarın yırtılması nəticəsində beyində qanaxma) baş verir.

Milli.Az xarici mediaya istinadla bildirir ki, "Neurology" jurnalında dərc edilən araşdırma, spirtli içki içənlərin insult riskinin tamamilə imtina edənlərə nisbətən orta hesabla 14 faiz daha çox olduğunu müəyyən edib.

Alimlər həmçinin nə qədər spirtin insult ehtimalını əhəmiyyətli dərəcədə artıra biləcəyini də ortaya qoyublar. Bir şəxs ayda ən azı bir dəfə bir gündə beş standart spirtli içki qəbul edərsə, işemik insult riski 29, hemorragik insult isə 76 faiz artır.

Anlamağınız üçün: beş standart porsiya beş qədəh spirtli içki, yarım şüşə şərab və ya təxminən iki litr yarım pivəyə bərabərdir.

Bundan əlavə, araşdırmalar vurğulayır ki, müntəzəm və ya həddindən artıq spirt istehlakı qan damarlarının vəziyyətinə mənfi təsir göstərir, qan təzyiqini artırır və damar sisteminin qocalma prosesini sürətləndirir ki, bu da insult ehtimalını artırır. Hətta orta dərəcədə içmə də siqaret çəkmə, qeyri-sağlam qidalanma və fiziki hərəkətsizlik kimi digər risk faktorlarının təsirini artıraraq kumulyativ təsir göstərə bilər.

Mütəxəssislər xüsusilə ürək-damar xəstəliklərinə irsi meyli olan insanlar üçün spirt istehlakını minimuma endirməyi və ya ondan tamamilə imtina etməyi tövsiyə edirlər. /Lent.az

Milli.Az

Milli.Az - Xəbər Portalı

Nə qədər spirtli içki içsək insult olarıq?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?