Sağlamlıq

Xərçəng xəstəliyinin əsas "düşməni"... - Onkoloq açıqladı

10 Noyabr 2024 07:45
Baxış: 1 922
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

"İnsanlar onkoloji xəstəliklərin müalicəsində qeyri-ənənəvi təbabətə müraciət etməklə qiymətli vaxtlarını itirirlər. Çünki həkimlər xəstəliyi nə qədər tez aşkar edib tam müalicəyə başlasalar, sağalma şansı bir o qədər çox olar".

Milli.Az oxu.az-a istinadən xəbər verir ki, bu barədə Rusiya Səhiyyə Nazirliyinin baş onkoloqu Andrey Kaprin xəbərdarlıq edib.

Onun sözlərinə görə, hələ indiyə qədər qeyri-ənənəvi təbabət üsulları ilə xərçəngdən sağalan heç bir xəstə görməyib, lakin belə "müalicənin" nəticələrinə şahid olub.

"Problem ondadır ki, xəstələr bu vicdansız insanların satdığı "sehrli" həbə inanarkən, xəstəliklə real mübarizəyə həsr oluna biləcək qiymətli vaxtı itirirlər. Bu çox kədərli mənzərədir və təəssüf doğurur. Bir daha xatırlatmaq istəyirəm ki, xərçəngin əsas düşməni erkən diaqnostikadır", - deyə mütəxəssis bildirib.

Kaprin profilaktik müayinələrin vaxtında keçirilməsinin və şişlərin aşkarlanması üçün yaş dövrlərinə görə spesifik analizlərin verilməsinin vacibliyini xatırladıb.

"Həkimə getməkdə gecikmək, bu xəstəlikdən qurtulmaq üçün xalq təbabətinə, "şəfaverənlərə" müraciət etmək lazım deyil. Xəstəlik nə qədər tez aşkar edilsə və müvafiq müalicəyə başlansa, xəstənin sağalma şansı bir o qədər çox olar", - deyə onkoloq çağırış edib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.