Sağlamlıq

Marixuana ölümcül xəstəliyə təhrik edir

13 Avqust 2024 23:37

Baxış: 940

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Alimlər kannabinoidlərdən (narkotiklər) asılı olan 4 milyon pasiyentin məlumatlarını öyrənib.

Bu yaxınlarda aparılan böyülk tədqiqat marixuanadan asılılıqla baş və boynun onkoloji xəstəliklərinin yüksək inkişaf riski arasında əlaqəni müəyyən edib.

Milli.Az moderator.az-a istinadən xəbər verir ki, bu barədə "The Journal of the American Medical Association" jurnalı yazıb.

Kaliforniyanın bir neçə universitetlərinin alimləri 4 milyondan çox pasiyentin tibbi məlumatlar bazasının təhlilini aparıb, onlardan 116 min nəfəri kannabionidlərdən asılılıqdan əziyyət çəkib.

Nəticələr göstərib ki, marixuanadan asılı olanlar arasında baş və boyun xərçəngi halları xeyli çoxdur.

Demoqrafik və digər amillər nəzərə alındıqdan sonra marixuanadan istifadə edənlərdə bu xəstəliklər riski narkotiklərdən istifadə etməyənlərə nisbətən 3, 5 - 5 dəfə yüksək olub.

O cümlədən, ağız boşluğu xərçəngi riski 2, 5 dəfə, ağız-udlaq xərçəngi riski 4, 9 dəfə, qırtlaq xərçəngi riski isə 8, 4 dəfə yüksək olub.

Bu nəticələr həm yaşlı, həm də cavan adamlarda müəyyən edilib. Lakin tədqiqat müəllifləri vurğulayır ki, bu tədqiqat səbəb-nəticə əlaqəsini müəyyən etməyə imkan vermir, yalnız qarşılıqlı əlaqəni nümayiş etdirir.

Alimlər xüsusilə marixuanadan istifadə edilməsinin artdığı və onun leqallaşdırılması fonunda əlavə tədqiqatların zəruriliyini vurğulayıb.