Sağlamlıq

Yeni pandemiya qapıda: İlk yoluxma qeydə alındı

6 İyun 2024 06:52

Baxış: 3 822

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #ÜMUMDÜNYA SƏHİYYƏ TƏŞKİLATI

Ümumdünya Səhiyyə Təşkilatı dünyada ilk dəfə insanda quş qripi A(H5N2) virusuna yoluxma halının qeydə alındığını açıqlayıb.

Milli.Az qafqazinfo.az-a istinadən xəbər verir ki, bu hal Meksikada yaşanıb.

ÜST xəstəliyin insanlar arasında yayılma riskini aşağı səviyyədə qiymətləndirib.

Meksika səlahiyyətliləri ÜST-ə "Meksika ştatının sakinində insanda quş qripi A(H5N2) virusu aşkarlanması" barədə məlumat verib.

Təşkilatın Cenevrədəki mənzil-qərargahının bəyanatında deyilir ki, bu, dünyada qeydə alınan A(H5N2) qripi virusuna insan yoluxmasının laboratoriya tərəfindən təsdiqlənmiş ilk hadisəsidir.

Xəstəlik Meksika ştatının 59 yaşlı sakinində aşkarlanıb. Mütəxəssislər onun quş və ya digər heyvanlarla təması olmadığını bildiriblər. Xəstənin yaxınlarının dediyinə görə, o, başqa səbəblərdən üç həftə yataqda qalıb. Bundan sonra meksikalıda hərarət, nəfəs darlığı, ishal, ürəkbulanma və ümumi halsızlıq yaranıb. Aprelin 24-də xəstəxanaya yerləşdirilsə də, elə həmin gün orada ölüb.

Milli.Az
Xəbərlərimizi WhatsApp kanalımızdan da oxuyun