PUL
_.jpg)
Meyvə, tərəvəz və taxıl kimi qidalar çoxlu lif ehtiva edir. Bu liflər həm bağırsaqların normal fəaliyyətinə kömək edir, həm uzun müddətli toxluq hissi verir, həm artıq çəkinin azalmasına təsir edir.
Milli.Az publika.az-a istinadən xəbər verir ki, bu barədə amerikalı qastroenteroloq Nina Nendi "Live Science"a danışıb.
Həkim izah edib ki, yeməkdən sonra insan orqanizminin beyinə toxluğun əldə edildiyi və yeməyə davam etməyə ehtiyac olmadığı barədə siqnallar göndərməsi təxminən 20 dəqiqə çəkir. Bununla belə, yemək və toxluq hissi arasındakı dəqiq müddət bir çox amillərdən, o cümlədən yediyiniz qida növündən asılıdır.
Aclıq və toxluq hissini əsasən hormonlarımız idarə edir. Qrelin iştahı stimullaşdırır və bağırsaqlarda istehsal olunur, iştahı azaldan leptini isə bədənin ağ piy hüceyrələri ifraz edir. Beyin də mədənin qida kütlələri ilə genişlənməsini "qeyd edən" sinirlərdən gələn məlumatlara əsaslanaraq doyma siqnalı alır.
Nendi meyvə, tərəvəz və tam taxıl kimi yüksək lifli qidaların toxluğu artırmağa kömək etdiyini söyləyib. Qida mədə-bağırsaq traktından keçərkən həll olunmayan lif orijinal şəklində qalır. Bu, qrelin istehsalını azaldır və iştahı yatıran digər bağırsaq hormonlarının ifrazını tətkiləyir. Bundan əlavə, həzm olunmayan lifin həcminin genişləməsi mədənin uzanma reseptorlarına təzyiq göstərir ki, bu da toxluq hissinin əldə edildiyinə işarədir.
Mədədə toxluq hissi və hormon səviyyəsinin azalması insanda daha çox yemək yemək istəyinin azalmasına əbəb olur. Beləliklə, bitki və tərəvəzlər daha az kalori ilə daha çox toxluq əldə etməyə və arıqlamağa kömək edir.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
