Sağlamlıq

ÜST-dən koronavirusla bağlı qorxunc proqnoz

8 Dekabr 2021 00:17
0 Şərh     Baxış: 2 064

Bu həftənin sonuna kimi Avropa regionunda hər onuncu şəxs koronavirusa yoluxmuş olacaq.

Milli.Az Trend-ə istinadən xəbər verir ki, bunu Ümumdünya Səhiyyə Təşkilatının (ÜST) Avropa regional bürosunun direktoru Hans Klüge deyib.

O bildirib ki, son bir ay ərzində regionda daha 120 min insan koronavirusun qurbanı olub, yoluxanların sayı isə 10 milyon nəfər artıb.

"Biz ötən ay xəbərdarlıq etmişdik ki, təcili tədbirlər görülməsə, daha yarım milyon həyat itirilə bilər. Bir ay keçib və ölənlərin sayı 120 min, yoluxanların sayı 10 milyon nəfər artıb. Bu həftənin sonuna kimi Avropa regionunda hər onuncu şəxs koronavirusa yoluxmuş olacaq və bu, laborator tədqiqatlarla təsdiqlənəcək", - deyə ÜST rəsmisi bildirib.

O əlavə edib ki, Avropada koronavirusdan ölüm halları gündəlik 4 100 nəfər həddinə çatıb, sentyabr ayında bu göstərici 2 100 nəfərə bərabər idi.

Qeyd edək ki, bu günədək Avropa regionunda koronavirusa yoluxanların sayı 76 milyon nəfərə çatıb, ölənlərin sayı isə 1,4 milyon nəfəri keçib.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.