İqtisadiyyat

Nazir müavini qiymət artımından danışdı

23 Noyabr 2021 16:04
Baxış: 1 159
VTB-də minimal faiz dərəcəsi ilə nağd kredit 9.9%-dən

İqtisadiyyat nazirinin müavini Sevinc Həsənova Milli Məclisdə çıxışı zamanı ölkədə qiymət artımı ilə bağlı məsələyə münasibət bildirib.

Milli.Az Trend-ə istinadən xəbər verir ki, onun sözlərinə görə, Azərbaycanda qiymət dəyişikliyinə təsir edən amillərdən biri də dünyada baş verən amillərdir.

Nazir müavini bildirib ki, pandemiya ilə bağlı məhdudiyyətlərin aradan qaldırılması iqtisadiyyata mühüm təsir göstərib. Nəticədə Azərbaycana idxal edilən məhsulların qiymətində artım baş verib.

O qeyd edib ki, ötən ilə nisbətən idxal indeksi 23.1 faiz artıb.

Nazir müavini Azərbaycanın ticarət tərəfdaşı olan ölkələrdə də qeydə alınan inflyasiyanın ölkəmizə təsir etdiyini diqqətə çatdırıb.

Nazir müavini bildirib ki, BMT-nin Ərzaq və Kənd Təsərrüfatı Təşkilatının (FAO) verdiyi məlumata görə, bu il dünya qiymətlər son 30 ildə ən yüksək səviyyəyə çatıb.

"Odur ki, ölkəyə idxal olunan məhsulların qiymətlərində artımlar olmalıdır. Ancaq gələn ildən inflyasiyanın səngiyəcəyi proqnozlaşdırılır" - deyə, nazir müavini bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.