İqtisadiyyat

Azərbaycan və Qırğızıstan nəqliyyat sahəsində saziş imzalamağı planlaşdırır

26 Oktyabr 2021 09:12
0 Şərh     Baxış: 436
VTB-də minimal faiz dərəcəsi ilə nağd kredit 10.49%-dən

Azərbaycan və Qırğızıstan nəqliyyat sahəsində hökumətlərarası saziş imzalamağı planlaşdırır.

Bunu Trend-ə Qırğızıstanın Azərbaycandakı səfiri Kayrat Osmonaliyev deyib.

O bildirib ki, Qırğızıstanın Nəqliyyat və Kommunikasiyalar Nazirliyi ilə Azərbaycan Rəqəmsal İnkişaf və Nəqliyyat Nazirliyinin nümayəndələri arasında keçirilmiş videokonfrans zamanı beynəlxalq avtomobil və hava əlaqəsi barədə hökumətlərarası saziş layihələri, Bakı-Bişkek aviareysinin bərpası, eləcə də nəqliyyat kommunikasiyaları sahəsində əməkdaşlığın inkişafı məsələləri müzakirə olunub:

"Eyni zamanda biz avtomobil nəqliyyatı ilə ikitərəfli tranzit daşımalarına icazə blanklarına tətbiq olunan kvotanın artırılması, Azərbaycan tərəfi ilə Trans-Xəzər Beynəlxalq Nəqliyyat Dəhlizi sahəsində təcrübə mübadiləsi məsələlərini müzakirə etmişik".

Səfir əlavə edib ki, bu cür əməkdaşlıq mexanizminin Azərbaycan və Qırğızıstanın digər strukturları arasında da yaradılması planlaşdırılır.

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.