İqtisadiyyat

Türkiyə ilə Azərbaycan arasında ticarət dövriyyəsi 70 milyon dollara yaxın artıb

2 Avqust 2021 23:59
Baxış: 809
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

2021-ci ilin iyununda Türkiyə ilə Azərbaycanın ticarət dövriyyəsi 231,617 milyon dollar təşkil edib ki, bu da ötən ilin iyunu ilə müqayisədə 68,503 milyon dollar çoxdur.

Milli.Az xəbər verir ki, bu barədə Trend-ə Türkiyə Ticarət Nazirliyindən bildiriblər.

2021-ci ilin iyununda Türkiyədən Azərbaycana ixrac 186,543 milyon dollar, Azərbaycandan idxal isə 45,074 milyon dollara bərabər olub.

Statistikaya əsasən, bu ilin yanvar-iyun aylarında Türkiyə ilə Azərbaycanın ticarət dövriyyəsi ötən ilin eyni dövrü ilə müqayisədə 360,926 milyon dollar artaraq 1,327 milyard dollar təşkil edib.

Hesabat dövründə Türkiyədən Azərbaycana ixrac 1,018 milyard dollar, Azərbaycandan idxal isə 309 milyon dollara bərabər olub.

Qeyd edək ki, 2020-ci ildə Türkiyə ilə Azərbaycanın ticarət dövriyyəsi 2019-cu illə müqayisədə 187,296 milyon dollar artaraq 2,221 milyard dollar təşkil edib.

İl ərzində Türkiyədən Azərbaycana ixrac 1,855 milyard dollar, Azərbaycandan idxal isə 366 milyon dollara bərabər olub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.