İqtisadiyyat

Azərbaycanda startapların inkişafı sahəsində əsas prioritet strategiyaların hazırlanması olacaq

21 Sentyabr 2020 21:26
Baxış: 811
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yaxın zamanlarda Azərbaycanda startapların inkişafı sahəsində əsas prioritet adekvat strategiyaların hazırlanması və pandemiyanın təsirlərinin azaldılması olacaq.

Milli.Az Trend-ə istinadən bildirir ki, bunu İqtisadi İslahatların Təhlili və Kommunikasiya Mərkəzinin direktoru Vüsal Qasımlı Britaniya Şurası ilə birgə keçirilən "COVID-19 pandemiyası dövründə startap hərəkatı: çağırışlar və imkanlar" mövzusunda konfrans zamanı deyib.

Onun sözlərinə görə, pandemiya digər sahələrlə yanaşı, ölkədəki startapları da yeni reallıqlarla qarşı-qarşıya qoydu:

"Azərbaycanda maliyyə texnologiyaları sahəsində startapların inkişafının stimullaşdırılması məqsədilə böyük iş aparılır".

O bildirib ki, ölkədə məqsədi mentor və konsaltinq xidmətləri göstərmək, eləcə də startaplara biznes-planların hazırlanması və müvafiq sənədlərin rəsmiləşdirilməsi üzrə əməliyyatların aparılmasında kömək göstərmək olan inkubator və akseleratorlar yaradılıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.