Azərbaycanda taksi qiymətləri bahalaşıb?

Son günlərdə taksi qiymətlərində hissolunacaq dərəcədə artım müşahidə edilir. Sərnişinlər eyni məsafə üçün əvvəlki günlərlə müqayisədə daha yüksək ödəniş etməli olduqlarını bildirirlər.

Milli.Az xəbər verir ki, Trend məsələ ilə bağlı "Bolt" şirkətinin Azərbaycandakı xidmətinə sorğu ünvanlayıb.

Şirkətin mətbuat xidmətindən sorğumuza cavab olaraq bildirilib ki, "Bolt" platformasında gedişhaqqı dinamik şəkildə formalaşır və sifariş zamanı mövcud tələb-təklif nisbəti, yol hərəkətinin intensivliyi, marşrutun uzunluğu, səfərin müddəti və sürücülərin əlçatanlığı kimi amillər nəzərə alınır.

Yağışlı, küləkli və ya soyuq hava şəraitində taksiyə tələbat arta, eyni zamanda aktiv sürücülərin sayı azala bilər. Belə hallarda tələb və təklif arasında yaranan fərq səbəbindən qiymətlərdə müvəqqəti artım müşahidə oluna bilər. Yəni hava şəraiti özü ayrıca qiymət artımı tətbiq etmir, lakin onun yaratdığı yüksək tələbat dinamik qiymətləndirməyə təsir göstərə bilər.

Qiymətlər günün vaxtından, şəhərdən və xidmət kateqoriyasından asılı olaraq dəyişə bilər. Tələbat normallaşdıqda qiymətlər də müvafiq olaraq əvvəlki səviyyəyə qayıdır - deyə əlavə edilib.

Yango-da səfərin qiyməti avtomatlaşdırılmış alqoritm əsasında, sırf həmin an şəhərdəki real vəziyyətə uyğun olaraq formalaşır. Yekun məbləğ birbaşa həmin dəqiqədə xətdə olan boş avtomobillərin sayı ilə sifarişlərin nisbətindən, yollardakı sıxlıqdan, hava şəraitindən və təyinat yerinin xüsusiyyətlərindən asılı olur. Əgər müəyyən bir ərazidə tələbat mövcud boş maşınlardan qat-qat çoxdursa, alqoritm avtomatik olaraq sürücüləri həmin istiqamətə cəlb etmək və təcili getməli olan sərnişinlərə maşın təmin etmək üçün sistemi tənzimləyir. Yollardakı hərəkətlilik azaldıqda və balans bərpa olunduqda qiymət dərhal adi vəziyyətinə qayıdır.

"Yango" şirkətindən isə Trend-in sorğusuna cavab olaraq bildirilib ki, "Yango"-da səfərin qiyməti avtomatlaşdırılmış alqoritm əsasında, sırf həmin an şəhərdəki real vəziyyətə uyğun olaraq formalaşır.

"Yekun məbləğ birbaşa həmin dəqiqədə xətdə olan boş avtomobillərin sayı ilə sifarişlərin nisbətindən, yollardakı sıxlıqdan, hava şəraitindən və təyinat yerinin xüsusiyyətlərindən asılı olur. Əgər müəyyən bir ərazidə tələbat mövcud boş maşınlardan qat-qat çoxdursa, alqoritm avtomatik olaraq sürücüləri həmin istiqamətə cəlb etmək və təcili getməli olan sərnişinlərə maşın təmin etmək üçün sistemi tənzimləyir. Yollardakı hərəkətlilik azaldıqda və balans bərpa olunduqda qiymət dərhal adi vəziyyətinə qayıdır",- deyə qeyd edilib.

Müəllif: Ülkər Vəliyeva (Milli.Az redaktor)