İqtisadiyyat

Azərbaycanda üzüm istehsalı artıb

15 Sentyabr 2020 17:42
Baxış: 632
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

2019-cu ilin məlumatlarına əsasən Azərbaycanda üzüm əkmələrinin sahəsi 16.1 min hektar olub. Ümumi üzüm əkmələrinin 14.5 min hektarı və ya 90.2%-i bar verən yaşdadır. Cəmi çoxillik əkmələrin sahəsində üzümlüklərin payı 7.1% olub.

Kənd Təsərrüfatı Nazirliyindən Milli.Az-a verilən məlumata görə, 2010-cu ilə nisbətən 2019-cu ildə üzüm istehsalı 55.8% artmışdır. 2019-cu ildə üzüm istehsalı 2015-ci ilə nisbətən 44.7 min ton və ya 28.5% artaraq 201.8 min ton olub.

2010-2019-cu illər ərzində üzümün məhsuldarlıq səviyyəsi 40.3% artıb. 2015-ci ilə nəzərən 2019-cu ildə üzümün məhsuldarlığı 21.0% artaraq 104.8 sent/ha olub.

2016-2019-cu illərdə Azərbaycandan üzüm ixracı 4.1 min tondan 4.2 min tona qədər artıb.

Azərbaycandan üzümün əsas ixrac bazarı Rusiyadır.

2019-cu ildə üzüm ehtiyatlarının 41.1%-i ərzaq məhsullarının istehsalı üçün, 53.9%-i isə ərzaq məhsulu kimi emal edilmədən istifadə edilmişdir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.