İqtisadiyyat

5-10 saniyəyə istənilən ödənişi təmin edəcək layihə yekunlaşır - Muğanbank test edir

10 İyun 2020 10:32

Baxış: 3 219

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #BANKLAR

"2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı" çərçivəsində Mərkəzi Bankın müvəkkil banklarla birgə üzərində çalışdığı "Ani Ödənişlər Sistemləri (AÖS)" layihəsi artıq son mərhələyə qədəm qoyub.

Marjaya daxil olan məlumata əsasən layihə iştirakçılarından olan "Muğanbank" ASC artıq sistemin real rejimlərdə testinə başlayıb. Muğanbankdan əlavə daha iki bankn da hazırlıq işlərini yekunlaşdırdığı bildirilir.

Ümumilikdə, Ani Ödənişlər Sistemlərinə (AÖS) keçidin bankların rəqəmsallaşma istiqamətində apardığı siyasətə ciddi təkan verəcəyi gözlənilir. Belə ki, "Ani Ödənişlər Sistemləri (AÖS)" layihəsi biznes strukturları və dövlət orqanları arasında, eləcə də fiziki şəxslər tərəfindən ödənişlərin, köçürmələrin, qarşılıqlı ödəniş əməliyyatları üzrə hesablaşmaların 24*7*365 rejimində 5-10 saniyə ərzində tam başa çatdırılmasına imkan verəcək.

"Ani Ödənişlər Sistemləri (AÖS)" layihəsi uğurlu testindən sonra istehlakçıların xidmətinə veriləcək.