İqtisadiyyat

Nazir müavini: "Ərəb şirkətləri Azərbaycana 400 milyon dollara yaxın investisiya qoyur"

19 Fevral 2020 12:09
Baxış: 1 727
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ərəb şirkətləri Azərbaycana 400 milyon dollara yaxın investisiya qoyur.

Milli.Az Trend-ə istinadən bildirir ki, bunu Energetika nazirinin müavini Elnur Soltanov deyib.

Onun sözlərinə görə, Azərbaycanda bərpa olunan enerji sahəsində pilot layihələr çərçivəsində Səudiyyə Ərəbistanının "ACWA Power" və "Masdar" şirkətləri qeyd olunan məbləği yerləşdirir. Həmin layihələrin reallaşdırılması iki ilə yaxın davam edəcək və mərhələli şəkildə istismara veriləcək.

Müqavilələrə əsasən, "ACWA Power" şirkəti ilə birgə 240 meqavatt gücündə külək stansiyalarının tikintisi ilə bağlı, "Masdar" şirkəti ilə birgə isə 220 meqavatt gücündə günəş stansiyalarının tikintisi layihələri icra olunacaq.

E.Soltanov qeyd edib ki, həmin istehsal güclərinin işə düşməsindən sonra ildə 300 milyon kubmetrədək qaza qənaət imkanı yaranacaq ki, bu da Azərbaycan əhalisinin qaza olan tələbatının 10 faizini təşkil edir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.