İqtisadiyyat

Türkiyədən Azərbaycana sitrus meyvə ixracı azalıb

24 Yanvar 2020 20:11
Baxış: 1 063
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

2019-cu ildə Türkiyənin Azərbaycana sitrus meyvə ixracı 2018-ci illə müqayisədə 43 faiz azalıb.

Milli.Az xəbər verir ki, bu barədə Trend-ə Türkiyənin Meyvə-Tərəvəz İxracatçıları Birliyindən deyiblər.

Statistikaya əsasən, 2019-cu ildə Türkiyə Azərbaycana 20 055 ton sitrus meyvə ixrac edib.

Ötən il Türkiyədən Azərbaycana sitrus meyvə ixracından gəlirlər də 2018-ci illə müqayisədə 37 faiz azalıb.

Türkiyənin Azərbaycana sitrus meyvə ixracından gəliri 7,722 milyon dollar olub ki, bu da Türkiyənin 2019-cu il ərzində sitrus meyvə ixracından ümumi gəlirinin 1 faizini təşkil edib.

Qeyd edək ki, 2019-cu ildə Türkiyənin meyvə və tərəvəz ixracı əvvəlki illə müqayisədə 11 faiz azalıb və 4,021 milyon ton təşkil edib. Hesabat dövründə Türkiyənin meyvə və tərəvəz ixracından gəliri 3 faiz azalaraq 2,247 milyard dollara bərabər olub.

Ötən il Türkiyə 1,123 milyon ton meyvə ixrac edib ki, bu da 2018-ci illə müqayisədə 5 faiz azdır. Bununla belə, ötən il meyvə ixracından gəlir 2 faiz artaraq 846 milyon dollar təşkil edib.

2019-cu ildə Türkiyə 1,284 milyon ton tərəvəz ixrac edib ki, bu da 2018-ci illə müqayisədə 2 faiz azdır. Tərəvəz ixracından gəlir 645 milyon dollar təşkil edib.

2019-cu ildə Türkiyə 1,614 milyon ton sitrus meyvə ixrac edib. Bu, əvvəlki illə müqayisədə 20 faiz azdır. Türkiyənin sitrus meyvə ixracından gəliri 756 milyon dollara bərabər olub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.