İqtisadiyyat

Dünyanın ən məşhur sərgilərindən birində Azərbaycan məhsullarına böyük maraq göstərilib - FOTO

23 Oktyabr 2018 13:28

0 Şərh Baxış: 1 728

VTB-də minimal faiz dərəcəsi ilə nağd kredit 9.9%-dən

#KƏND TƏSƏRRÜFATI #FRANSA #SƏRGİ #ƏRZAQ

Fransanın paytaxı Parisdə "Sial Paris" beynəlxalq ərzaq sərgisi açılıb.

Milli.Az xəbər verir ki, Avropanın ən irimiqyaslı ərzaq sərgilərindən olan "Sial Paris"də İqtisadiyyat Nazirliyinin və Azərbaycanın Fransadakı Səfirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə qida, meyvə-tərəvəz, şərab və digər spirtli içkilər, meyvə şirələri, mineral sular, konservləşdirilmiş məhsullar, fındıq və qurudulmuş meyvə, çay və digər məhsulların istehsalı ilə məşğul olan 23 Azərbaycan şirkəti öz məhsullarını "Made in Azerbaijan" vahid ölkə stendində nümayiş etdirir.

Sərginin açılış mərasimində Azərbaycanın Kənd Təsərrüfatı naziri İnam Kərimov, AZPROMO-nun rəhbəri vəzifələrini icra edən Yusif Abdullayev çıxış edərək qeyri-neft ixracının artırılması istiqamətində ölkəmizdə həyata keçirilən tədbirlər barədə məlumat verib, "Sial Paris" beynəlxalq ərzaq sərgisinin Azərbaycan məhsullarının tanıdılması baxımından əhəmiyyətini vurğulayıblar.

Xüsusi zövqlə dizayn edilmiş ölkə stendində nümayiş olunan Azərbaycan məhsulları xarici şirkətlər və sərgi ziyarətçiləri tərəfindən böyük maraqla qarşılanır. Sərgi çərçivəsində sahibkarlarımız xarici həmkarları ilə görüşlər keçirəcək, ixrac imkanlarına dair müzakirələr aparacaqlar.

Qeyd edək ki, oktyabrın 21-də başlayan "Sial Paris" beynəlxalq ərzaq sərgisi 25 oktyabr tarixinədək davam edəcək.

Yusif Nəsirli
Milli.Az