İqtisadiyyat

İki nəhəng niyə didişir?

20 Aprel 2011 09:03
Baxış: 304
VTB-də minimal faiz dərəcəsi ilə nağd kredit 9.9%-dən
#APPLE INC #İPHONE #SAMSUNG ELECTRONİCS CO LTD #GOOGLE INC #İPAD
Milli.Az xəbər portalı BBC-yə istinadən bildirir ki, "Apple"  korporasiyası "Samsung Electronics"in "Galaxy" seriyasından olan smartfon və planşet kompyuterlərində "iPhone" və "iPad" cihazlarının dizaynını təkrar etdiyini bəyan edib.

"Apple" şirkətinin irəli sürdüyü iddiada, o cümlədən, "Samsung" məhsullarının proqram təchizatında istifadə olunan elementlərin görünüşü ilə bağlı iddialar qaldırılıb.
"Samsung Galaxy" markası ilə buraxılan smartfon və planşet kompyuterlərdə Google şirkətinin hazırladığı "Android" əməliyyat sistemi "Apple" cihazlarında tətbiq edilən proqram sisteminə rəqabət təşkil edir.

Bununla yanaşı, "Samsung" şirkəti "Apple" şirkətinin təkcə rəqibi deyil, eləcə də partnyorudur. "Samsung" şirkəti ABŞ şirkətini A4 və A5 prosessorları ilə təchiz edir.
Eləcə də "MacBook Pro" noutbukları üçün yaddaş mikrosxemlərini hazırlayır.

"Apple" şirkəti iddia edir ki, "Samsung" şirkəti onun hüquqlarını pozub, və aprelin 15-də məhkəməyə müraciyyət edib.
Amerika kompyuter nəhənginin iddiasında Cənubi Koreya şirkətinə qarşı 16 iddia maddəsi qaldırılıb.

"Samsung" şirkətinin rəhbərliyi, öz tərəfindən, bəyan edib ki, "özünün intellektual mülkiyyətini qorumaq niyyətindədir".
Smartfon istelsalçıları arasında mübahisələrin yaranması nadir hal deyil.

Beləki, "Apple" şirkəti "HTC Corp" və "Motorola" şirkətlərini məhkəməyə vermişdi.
Digər tərəfdən, Stiv Cobsun şirkətinin özü də Finlandiyanın "Nokia" şirkətinin iddiası ilə bağlı cavabdeh qismində çıxış etmişdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.