İqtisadiyyat

Yazda Bakının prospektlərindən biri yenidən qurulacaq, başqa bir yolun tikintisi ilin sonunda yekunlaşacaq - YENİLƏNİB

31 Yanvar 2014 13:42

0 Şərh Baxış: 963

VTB-də minimal faiz dərəcəsi ilə nağd kredit 10.49%-dən

#CƏMİYYƏT #YOL #BAKI

13:42

Nəqliyyat Nazirliyi "Azəryolservis" ASC 2014-cü ilin sonunadək Heydər Əliyev prospekti ilə paralel yerləşən və Bakıdakı yeni Olimpiya stadionuna aparan yolun bir hissəsinin tikintisinin başa çatdırmağı planlaşdırır.

Trend-in məlumatına görə, bu barədə cümə günü jurnalistlərə ASC-nin rəhbəri Cavid Qurbanov bildirib.

Onun sözlərinə görə, eləcə də Heydər Əliyev prospektində tikilən yeni yeraltı tunelin köməyi ilə çıxışın mümkün olacağı yolun Olimpiya stadionundan "Şəfa" stadionuna qədər hissəsinin tikintisinin də tamamlanması planlaşdırılır.

Yeni yolun "Şəfa" stadionundan "Gənclik" metrostansiyasına qədər olan yerdə qalan hissəsinin tikintisinin daha sonrakı müddətdə tamamlanacağı planlaşdırılır ki, bu da köçürülməsi zaman tələb edən çoxlu sayda tikili və kommunikasiyaların olması ilə izah edilir.
Yeni yol Bakıda Heydər Əliyev prospektini boşaltmağa imkan verəcək, həmçinin paytaxtın mərkəzindən yeni stadiona tıxacsız gedişi mümkün edəcək.

---------
13:21

Nəqliyyat Nazirliyi "Azəryolservis" ASC yaxın bir ay - ay yarım ərzində Bakıda Babək prospektinin yenidən qurulmasına başlamağı planlaşdırır.

Trend-in məlumatına görə, bu barədə cümə günü jurnalistlərə ASC-nin rəhbəri Cavid Qurbanov bildirib.

Onun sözlərinə görə, prospektdə yenidənqurma işlərinə qış mövsümünün başa çatmasından sonra başlamaq planlaşdırılır.

C.Qurbanov bildirib ki, prospektin yenidən qurulması layihəsinin müddəti haqqında danışmaq çətindir, çünki burada görüləsi işlər çoxdur.

ASC rəhbərinin sözlərinə görə, yenidənqurma çərçivəsində prospektdə avtonəqliyyatın hərəkəti qismən məhdudlaşdırılacaq.

Milli.Az