İqtisadiyyat

“Camal LTD”: ““İceland” dondurmaları məhv edilməyib”

30 İyun 2010 21:31
Baxış: 2 468
VTB-də minimal faiz dərəcəsi ilə nağd kredit 10.49%-dən
#ICELAND
Milli.Az xəbər portalı "Turan" agentliyinə istinadən xəbər verir ki, bunu şirkətin xarici iqtisadi əlaqələr və marketinq üzrə direktoru Diana Əlizadə deyib. O bildirib ki, şirkətin istehsal etdiyi məhsul dövlət standartlarının tələblərinə uyğundur və bunu təsdiqləyən müvafiq sənədlər var.

Xatırladaq ki, "Camal" LTD şirkətinin Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin məcburi göstərişi ilə 3,4 ton dondurmanı məhv etməsi barədə məlumatı İqtisadi İnkişaf Nazirliyinin mətbuat xidməti yayıb. Məlumatda deyilir ki, keyfiyyət və təhlükəsizlik göstəriciləri normativ sənədlərin tələblərinə uyğun olmayan "Bakılı qız", "Oskar", "Joker", "Don Maximus", "İceland", "Çiyələkli" adlı  dondurmalar satışdan yığışdırılıb. Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən "Camal" LTD şirkətinin barəsində antiinhisar qanunvericiliyinin pozulması əlamətləri üzrə qaldırılmış işlə bağlı araşdırmalar davam etdirilir. İqtisadi İnkişaf Nazirliyinin məlumatına görə, şirkətin məhsulu normativ sənədlərin tələblərinə uyğun olmayıb. Ona görə dondurmanın məhv edilməsi barədə şirkətə icrası məcburi göstəriş verilib.

Milli.Az

Uyğun linklər:

"Camal" LTD-nin 3,4 ton dondurması məhv edildi

"İceland" dondurmaları insan sağlamlığı üçün təhlükəlidir

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.