İqtisadiyyat

KOBİA-da Ümummilli Lider Heydər Əliyevin anadan olmasının 102 illiyinə həsr olunmuş tədbir keçirilib - FOTO

7 May 2025 10:20

Baxış: 167

VTB-də minimal faiz dərəcəsi ilə nağd kredit 10.49%-dən

Yeni Azərbaycan Partiyasının (YAP) Nərimanov rayon təşkilatının Kiçik və Orta Biznesin İnkişafı Agentliyinin (KOBİA) ərazi partiya təşkilatının təşkilatçılığı ilə Ümummilli Lider Heydər Əliyevin anadan olmasının 102 illiyinə həsr olunmuş tədbir keçirilib.

Əvvəlcə KOBİA-nın və YAP-ın Nərimanov rayon təşkilatının nümayəndələri "Bakı KOB evi"ndə Ulu Öndərin büstü önünə gül dəstələri qoyublar.

Tədbir öz işinə Azərbaycanın dövlət himninin səslənməsi, Ümummilli Liderin və Azərbaycanın ərazi bütövlüyü uğrunda canından keçmiş şəhidlərimizin əziz xatirəsinin bir dəqiqəlik sükutla yad olunması ilə başlayıb.

Sonra KOBİA tərəfindən hazırlanmış, Heydər Əliyevin həyat və fəaliyyətindən bəhs edən film nümayiş olunub.

Tədbirdə çıxış edən KOBİA-nın İdarə Heyətinin sədri Orxan Məmmədov və YAP Nərimanov rayon təşkilatının sədri Elçin Quliyev Ulu Öndərin dövlətimiz və xalqımız qarşısında xidmətlərindən, ölkəmizin sosial-iqtisadi inkişafı üçün gördüyü genişmiqyaslı tədbirlərdən danışıblar.

Tədbir çərçivəsində YAP-a üzv olan KOBİA əməkdaşlarına üzvlük vəsiqəsi təqdim edilib, həmçinin partiya sıralarına qəbul olunmaq istəyən Agentlik əməkdaşlarının ərizələri qəbul edilib.

Milli.Az