Son günlər Gürcüstandan Azərbaycana gedən əsas avtomagistral yolda çox böyük növbə var.
Milli.Az axar.az-a istinadən bildirir ki, magistral yolda ağırtonajlı yük avtomobillərinin 30 kilometr uzunluğunda tıxacı yaranıb.
Rustavi şəhərindən bir qədər məsafədən başlayan növbə Marneuli rayonunun Kürüstü ərazisində altı kəndin - Ambarovka, Keşəli, Kəpənəkçi, İlməzli, birinci və ikinci Kosalı kəndlərinin ərazisindən keçir. Yol boyu Rusiya, Türkiyə, Azərbaycan, Gürcüstan, Ukrayna, Özbəkistan, Qazaxıstan, İran və digər ölkələrdən olan yük avtomobillərinin sürücüləri acınacaqlı vəziyyətlə üzləşiblər.
Milli.Az