İqtisadiyyat

Azad edilən ərazilərdə bu il 300 ton bal süzülüb

23 Sentyabr 2022 17:10
Baxış: 962
VTB-də minimal faiz dərəcəsi ilə nağd kredit 9.9%-dən
#İQTİSADİYYAT

Bu il Azərbaycanda 7 min ton bal süzülüb.

Bunu Trend-ə "Azərbaycan Arıçılar Assosiasiyası" İctimai Birliyinin İdarə Heyətinin sədri Bədrəddin Həsrətov deyib.

Onun sözlərinə görə, ümumilikdə ötən illərə nisbətən bal süzümü ölkəmizdə bu il artıb.

"Bal süzümünün artmasının əsas səbəblərindən biri də azad edilən torpaqlarda arıçılığın inkişaf etdirilməsidir. İşğaldan azad edilən ərazilərə bu il təxminən 20 min arı ailəsi köçürülmüşdü. Həmin ərazilərdə 300 ton bal süzülüb. Ötən illə müqayisədə bu il arı ailələrinin sayında və bal süzümündə artım var. Bizim gələcək hədəfimiz azad olunan torpaqlarda bal süzümünü 3 min tona çatdırmaqdır. Bunun üçün həmin torpaqlarda arıçılıq üçün münbit şərait var. Bu il ölkəmizdə süzülən bal daxili tələbatı artıqlamasıyla ödəyəcək. Belə ki, bizim hesablamalarımıza görə, ölkəmizin bal tələbatı 6 min tondur. Qalan min tonu isə ixraca yönəltmək olar", - deyə B.Həsrətov bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.