İqtisadiyyat

ABB Şamaxı filialı və “Azəriqaz” şöbəsini də yenilədi

24 May 2022 16:14
Baxış: 671

ABB-nin xidmət ofislərinin Bankın yeni inkişaf konseptinə uyğun qurulması davam etdirilir. Bankın Şamaxı filialı və "Azəriqaz" şöbəsi də yeni konseptdə müştərilərin istifadəsinə verilib. Şamaxı filialı Şamaxı şəhəri, Heydər Əliyev prospekti - 51 ünvanında, yeni inşa edilmiş binada xidmət göstərir. "Azəriqaz" şöbəsi isə Bakı şəhəri, Yusif Səfərov küçəsi - 23 ünvanında fəaliyyətdədir.

Şamaxı filialı və "Azəriqaz" şöbəsində müştərilərə ən yüksək səviyyədə xidmət üçün hər cür şərait yaradılıb. Xidmət ofislərinin profilindən asılı olaraq fərdi və korporativ müştərilər müxtəlif növ kredit, kassa-hesablaşma əməliyyatları, əmanətlər, pul köçürmələri, ödəniş kartlarının sifarişi, nağd valyuta ilə əməliyyatlar və s. bu kimi çeşidli xidmətlərdən faydalana bilərlər.

ABB-nin İdarə Heyəti sədrinin birinci müavini İlham Həbibullayev bildirib: "ABB xidmət ofislərini yeni brend kimliyinə uyğunlaşdırmaqla, müştərilərə daha rahat və əlçatan bank məhsulları və xidmətləri təklif etməyə çalışır. Bu istiqamətdə apardığımız fəaliyyət ilk növbədə üst səviyyədə müştəri məmnuniyyətinə nail olmağı və təmsil olunduğumuz yerlərin inkişafına töhfə verməyi hədəfləyir. Bu il ərzində yenilənmiş konsepsiyaya uyğun daha bir neçə filialımızın müştərilərin istifadəsinə verilməsi nəzərdə tutulub".  

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

 

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics