İqtisadiyyat

Əlilliyə görə pensiyalarda artım gözlənilir

12 Yanvar 2022 16:54
Baxış: 1 448
VTB-də minimal faiz dərəcəsi ilə nağd kredit 9.9%-dən

"Əlilliyi olan şəxslərin hüquqları haqqında" qanuna edilən dəyişiklik əlilliyi olan şəxslərin pensiya və müavinətlərin diferensial qaydada artırılmasına imkan verəcək.

Bunu Trend-ə Milli Məclisin Əmək və sosial siyasət komitəsinin sədri Musa Quliyev deyib.

M.Quliyev bildirib ki, 2022-ci il iyulun 1-dən qüvvəyə minməsi nəzərdə tutulan yeni qaydalardan sonra əlillik orqanizmin funksiyasının itirmə dərəcəsinə görə, yəni faizlə müəyyən ediləcək.

"Orqanizmin funksiyasının 30-60 faiz itirilməsi III qrup, 60-80 faiz itirilməsi II qrup, 80-100 faiz itirilməsi isə I qrup hesab olunacaq.

Yeni qaydalar qüvvəyə mindikdən sonra "Əmək pensiyaları haqqında" və "Sosial müavinətlər haqqında" qanunlara dəyişikliklər olacaq və bu dəyişiklikdən sonra diferensiallaşmış qaydada, yəni əlillik faizinə uyğun olaraq hər bir vətəndaşımızın pensiya və müavinətinin artırılması imkanı yaranacaq", - deyə M.Quliyev bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.