İqtisadiyyat

Azərbaycanda növbəti devalvasiya? - Dollarla depozitlərin azalmasına ekspertdən cavab

22 Dekabr 2021 17:24

0 Şərh Baxış: 2 817

VTB-də minimal faiz dərəcəsi ilə nağd kredit 9.9%-dən

#DOLLAR

Mərkəzi Bankın məlumatına görə, Azərbaycan banklarına yerləşdirilmiş depozitlərin 50,99%-i xarici valyutada olub.

Xüsusilə də, dollarla depozitlərin həcmində ötən illərlə müqayisədə ciddi azalma müşahidə olunur.

Belə ki, cəmi depozitlərin bu ilki göstəricilərdən daha aşağı dollarlaşması sonuncu dəfə 2014-cü ilin dekabrında olub (49,89%).

Bəs, dollarla depozit qoyuluşunun bu qədər azalmasına səbəb nədir?

Milli.Az xəbər verir ki, sualı bizim.media üçün cavablandıran bank məsələləri üzrə ekspert Əkrəm Həsənov dollara depozit qoyuluşunun azalmasının səbəblərindən danışıb:

"Dollarla depozitin azalmasının əsas səbəbi, sözügedən valyuta ilə bağlı banklarda faiz dərəcələrinin xeyli aşağı olmasıdır. Bəzi bankalarda bu rəqəm 1%-dən belə aşağıdır. Bu isə əmanətçilərin maraqlarına uyğun deyil. Belə olan halda isə, dollarla depozit qoyuluşu xeyli azalıb".

Ekspertin sözlərinə görə, dollarla depozit qoyuluşunun azalması uzunmüddətli prosesin nəticəsidir:

"Banklar dollarla kredit verə bilmədiyinə görə, bu valyuta ilə vəsaitlərin cəlb olunmasında da maraqlı deyillər. Çünki banklar əmanətçilərdən dollarla vəsaitləri cəlb etsə belə, bundan istifadə edə bilmirlər. Əvvəllər dollarla vətəndaşlara və sahibkarlara kredit vermək mümkün idi. Lakin indi qanunvericiliyə görə, vətəndaşlara dollarla kredit vermək olmaz. Sahibkarlar isə devalvasiya riskini nəzərə alaraq dollarla kredit götürməkdən imtina edirlər".

Əkrəm Həsənov dollarla olan depozitlərin azalmasının devalvasiya ilə heç bir əlaqəsinin olmadığını da qeyd edib.

Milli.Az