Mədəniyyət

Şirvanşahlar Sarayı Kompleksinin 360°-li "3D" modeli təqdim olunub - FOTO

3 Mart 2021 18:34

Baxış: 1 309

VTB-də minimal faiz dərəcəsi ilə nağd kredit 9.9%-dən

Şirvanşahlar Sarayı Kompleksinin 360°-li "3D" modelinin və bu model üzrə təşkil olunan virtual turların təqdimat mərasimi keçirilib.

Milli.Az Trend-ə istinadən bildirir ki, "İçərişəhər" DTMQİ və Almaniyanın "EKM" Global Consulting GmbH şirkəti İçərişəhərin məşhur tarixi-memarlıq abidələrinin 360°-li "3D" virtual modellərinin hazırlanması istiqamətində əməkdaşlıq edir. Ötən ilin 11 sentyabr tarixində tərəflər arasında qarşlıqlı əməkdaşlıq Memorandumu imzalanıb.

"İçərişəhər" DTMQİ, "EKM" Global Consulting GmbH şirkəti və "start-upper" Səbinə Zülalova tərəfindən həyata keçirilən sayca 3-cü olan bu layihə, 2020-ci ilin fevral ayında Bəylər məscidi, 18 May Beynəlxalq Muzeylər günü ərəfəsində isə Qız Qalası tarixi-memarlıq abidələrinin 360°-li "3D" modellərinin və virtual turlarının hazırlanmasının davamıdır.

Layihənin həyata keçirilməsində əsas məqsəd insanların məsafəli şəkildə İçərişəhərdəki muzey və ekspozisiyaları ziyarət edə bilməsi, həmçinin, təhsil müəssisələrinin Azərbaycan tarixinin, memarlığının və incəsənətinin öyrənilməsində əyani nümunə kimi muzey təcrübəsindən istifadə edə bilməsidir.

Milli.Az