Mədəniyyət

Sumqayıt Dövlət Dram Teatrı 2020-ci ilin ilk həftəsonu tamaşaların təqdim edir

9 Yanvar 2020 20:50

Baxış: 972

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

2019-cu ili maraqlı və zəngin repertuarla başa vuran Sumqayıt Dövlət Dram Teatrı Yeni- 2020-ci ildə də bir sıra maarifləndirici layihələr gerçəkləşdirəcəkdir.

Milli.Az xəbər verir ki, eyni zamanda ötən ildə teatrın direktoru Əməkdar artist Mübariz Həmidovun ideya müəllifi olduğu, tamaşaçıların teatra cəlb edilməsi üçün həftəsonu tamaşalarının mütəmadi nümayişi bu il də davam etdiriləcəkdir.

Hər zaman tamaşaçıların zövqünü oxşayan, mədəni istirahətini təmin edən Sumqayıt Dövlət Dram Teatrı 2020-ci ilin ilk ayında klasik komediyalar, müasir dünya dramaturgiyasından nümunələr, eyni zamanda vətənpərvərlik ruhunda əsərlərin nümayişini nəzərdə tutmuşdur.

Cari ilin ilk şənbə və bazar günlərində, teatrımız yanvarın 11 və 12-də M.F.Axundzadənin "Hacı Qara" komediyası və Amerika dramaturgiyasından Con Patrikin "Qarını öldürməliyik" əsərini saat 18:00-da tamaşaçılara təqdim edəcəkdır.

Milli.Az