Dünya

“Nazir”in 83 uşağı olacaq”

27 Oktyabr 2025 15:31

Baxış: 903

VTB-də yüksək depozit faizleri daha çox qazandırır

#DÜNYADA #MARAQLI #ALBANİA

Albaniyanın Baş naziri Edi Rama ölkənin süni intellekt əsaslı naziri Diella haqqında maraqlı açıqlama verib.

Milli.Az bildirir ki, o, çıxışı zamanı "Dünyanın ilk rəqəmsal naziri hamilədir" deyib.

"Mən ilk dəfə olaraq sizinlə bir xəbəri bölüşməliyəm, Diella hamilədir. O, 83 uşaq, yəni parlamentin hər bir üzvü üçün bir uşaq gözləyir. Bu uşaqlar deputatlara köməkçi kimi xidmət edəcəklər və analarının bütün biliklərinə, Avropa İttifaqı, Avropa qanunvericiliyi və digər məsələlərə dair məlumatlara sahib olacaqlar."

Baş nazirin bu açıqlaması həm ölkə daxilində, həm də beynəlxalq mediada geniş müzakirələr doğurub. Rama bu bəyanatla nazirlər üçün süni intellekt əsaslı "rəqəmsal köməkçilərin" yaradılmasına işarə edib.

Qeyd edək ki, Albaniya dünyada süni intellekti nazir vəzifəsinə təyin edən ilk ölkədir. "Diella" adlı bu rəqəmsal nazir dövlət satınalmaları ilə məşğul olur. Onun fəaliyyətinə real mütəxəssislərdən ibarət xüsusi bölmə nəzarət edir və hökumətin digər strukturlarında süni intellektin tətbiqini həyata keçirir.

İsmayıl
Milli.Az