Mədəniyyət

Azərbaycanın Bəxtiyar şairi

16 Avqust 2019 17:54
38 Şərh     Baxış: 1 091

Bu gün Xalq şairi Bəxtiyar Vahabzadənin anadan olmasından 94 il ötür.

Milli.Az AZƏRTAC-a istinadən bildirir ki, Azərbaycan ədəbiyyatının, bütövlükdə XX əsr poetik fikrinin görkəmli nümayəndəsi, Xalq şairi Bəxtiyar Vahabzadənin adı təkcə respublikamızda deyil, onun sərhədlərindən çox-çox uzaqlarda mütəfəkkir şair, lirik dramaturq, istedadlı alim və publisist, qeyrətli və cəsarətli ictimai xadim, sadə və səmimi insan kimi məşhurdur. Təsadüfi deyil ki, onun əsərləri - şeir kitabları, dramları və publisist yazıları dünyanın çox dillərində, o cümlədən ingilis, fransız, alman, fars, türk, polyak, ispan, macar və köhnə sovet birliyinə daxil olan bir çox xalqların dillərinə tərcümə edilib və bu əsərlər çox böyük maraq və sevgi ilə qarşılanıb.

O, 1925-ci ildə Şəki şəhərində anadan olub. Kiçik yaşlarında ikən ailəsi ilə Bakıya köçüblər. Burada orta məktəbi qurtarandan sonra Bakı Dövlət Universitetinin filologiya fakültəsində təhsil alıb. Bədii yaradıcılığa 1943-cü ildə "Ana və şəkil" adlı ilk şeirini çap etdirdikdən sonra başlayıb. O vaxtdan dövrü mətbuatda şeirləri, elmi məqalələri, rəyləri müntəzəm çap olunur. "Mənim dostlarım" adlı ilk kitabında toplanmış lirik şeirlərdə faşizmə qarşı mübarizədə qalib çıxmış xalqın duyğu və düşüncələri əksini tapıb.

Müasir Azərbaycan ədəbiyyatının ən parlaq simalarından olan Bəxtiyar Vahabzadə öz yaradıcılığı ilə bədii fikrimizin zənginləşməsində mühüm rol oynayıb. Böyük söz ustası xalqımızın yüz illər boyu təşəkkül tapmış yüksək milli mənəvi dəyərlərinin qorunması, adət-ənənələrimizin yaşadılması naminə altmış ildən artıq bir müddət ərzində yorulmadan yazıb, yaradıb. O, azərbaycançılıq məfkurəsinə dərindən bağlı olan və özünüdərkə çağıran çoxsaylı əsərləri ilə ədəbiyyatımızın inkişafına töhfələr verib. Azərbaycan xalqının tarixinin qədim dövrlərdən bəri müxtəlif mərhələlərində baş vermiş taleyüklü hadisələr, böyük şəxsiyyətlərin parlaq simaları ustad sənətkarın diqqət mərkəzində olub.

Bəxtiyar Vahabzadənin bir alim kimi də Azərbaycan elmi qarşısında xidmətləri danılmazdır. Onun şifahi ədəbi irsimizin, klassik və müasir Azərbaycan ədəbiyyatının öyrənilməsi sahəsində axtarışlarının bəhrəsi olan əsərləri daim elmi ictimaiyyət tərəfindən maraqla qarşılanıb.

Bəxtiyar Vahabzadə ədəbi və elmi yaradıcılığı pedaqoji fəaliyyətlə uğurla əlaqələndirərək, uzun illər Bakı Dövlət Universitetinin professoru kimi Azərbaycanda yüksəkixtisaslı kadrların hazırlanmasına töhfələr verib. 1951-ci ildə "Səməd Vurğunun lirikası" mövzusunda namizədlik, 1964-cü ildə isə "Səməd Vurğunun həyat və yaradıcılığı" mövzusunda monoqrafiyasını müdafiə edib, filologiya elmləri doktoru alimlik dərəcəsini alıb. O, 1980-ci ildə Azərbaycan Milli Elmlər Akademiyasının müxbir üzvü seçilib.

Yetmişdən çox şeir kitabı ilə böyük oxucu sevgisi qazanan B.Vahabzadə 2 monoqrafiyanın, 11 elmi publisist kitabın və yüzlərlə məqalənin müəllifi olaraq əsl alim kimi öz sözünü deyib.

Haqsızlığa, ədalətsizliyə qarşı üsyan Bəxtiyar şeirinin əsas leytmotivlərindəndir. Görkəmli söz ustası hələ ötən əsrin 60-cı illərindən ölkəmizdə sovet imperiyasına qarşı milli azadlıq hərəkatının öncüllərindən biri olub. 1959-cu ildə yazdığı "Gülüstan" poeması ilə iki yerə parçalanmış Azərbaycanın tarixi faciəsini dilə gətirərək, imperiya pəncəsi altında inləyən Azərbaycan xalqının azadlıq və istiqlal uğurundakı ədalətli mübarizəsinə qoşulub.

Bəxtiyar Vahabzadə yaradıcılığında baş mövzulardan biri də ana dilidir. Onun qəti qənaətinə görə, dil xalqın varlığının nişanələrindən biri olub, onun ən qiymətli sərvətidir, üstəlik nəsillər silsiləsini birləşdirən, babaların vəsiyyətini nəvələrə çatdıran qüdrətli tərbiyə vasitəsidir.

Bəxtiyar Vahabzadənin tariximizin bir çox hadisələrini canlandıran dram əsərləri gənc nəslin tərbiyəsində böyük rol oynayır. Onun pyesləri Azərbaycan, eləcə də xarici ölkə teatrlarının səhnələrində uğurla tamaşaya qoyulub, müəllifinə böyük şöhrət gətirib. Onun müasir mövzularda qələmə aldığı "İkinci səs", "Vicdan", "Yağışdan sonra", "Yollara iz düşür", "Hara gedir bu dünya?", "Fəryad", "Cəzasız günah", "Dar ağacı", "Rəqabət" və "Özümüzü kəsən qılınc" kimi lirik-psixoloji pyesləri günün aktual problemlərindən, müasirlərimizin daxili dünyasından, daim təzələnən həyat və insan münasibətlərindən söz açmaqla gerçəkliyin ən müxtəlif tərəflərinə diqqət cəlb edib, layiqli səhnə təcəssümü taparaq, yarım əsrədək bir müddətdə Azərbaycan səhnəsindən düşməyib. O, tarixi və müasir mövzuda 20-dən artıq irihəcmli poemanın müəllifidir.

Azərbaycan xalqının müstəqilik ideyalarının ilk carçılarından olan Bəxtiyar Vahabzadə 20 Yanvar faciəsi ilə bağlı qələmə aldığı "Şəhidlər" poeması ilə yeni bir tarix yazdı.

Bəxtiyar Vahabzadə millətin məhəbbətinə layiq olduğunu təsdiq etmək üçün ziddiyyətlər içində keçən həyatının bütün cəfalarına çəkinmədən tab gətirib, heç vaxt sarsılmayıb.

Şair 2009-cu il fevralın 13-də, 83 yaşında uzun sürən xəstəlikdən sonra Bakıda vəfat edib.

Milli.Az

loading...

Şərh yaz:

38 Şərh:

  • Anonim
    ?! · 16 Avqust 18:2660

    Allah rəhmət eləsin, ustad sənətkar

    Cavab yaz
  • Anonim
    UZAQ DIYAR · 16 Avqust 19:01100

    Qorxuram dünyada,bir zaman gele, Insanlar yashaya,insanliq öle.. Nur icinde yat,dahi sairimiz..Qorxdugun bashimiza,geldi..

    Cavab yaz
    • Anonim
      F.S.D. · 16 Avqust 20:3440

      Salam UZAQ DİYAR xanım necəsiniz? Allah ruhun şad etsin, çox heyf indi belə sənətkarların yerinə tam başqa ruhlu şairlər gəlir

      Cavab yaz
      • Anonim
        UZAQ DIYAR · 16 Avqust 22:3410

        Axshaminiz xeyir eziz dost.Düzdür,edebiyyata iz salmish,bu neslin şairlerini gözümüz daha çox axtaracaq..

        Cavab yaz
        • Anonim
          Zəhra · 16 Avqust 23:5000

          Salam Uzaq Diyar xanım. Necəsiz? Vaxt olan kimi fotoya yazın. Darıxmışıq sizin üçün

          Cavab yaz
          • Anonim
            UZAQ DIYAR · 17 Avqust 00:0200

            Salam Zehra..Tebrikimi gec de olsa ,qebul edin..Tehsil yolunda,ugurlar.Vaxtim az olur,gündüzleri..Çalisharam..

            Cavab yaz
            • Anonim
              Zəhra · 17 Avqust 13:0610

              Eybi yox gözəl xanım. Təbrik üçün də çox sağolun. Minnətdaram

  • Anonim
    Ulya · 16 Avqust 19:0570

    Mənə "əsəbisən" deyən — düz deyir. Mənim nöqsanımı demək istəyir. Söz atdın… Könlümdə qopdu zəlzələ, Bilmədim, nə zaman çıxdım özümdən. Toxundun könlümə üstəlik hələ Deyirsən, lal olum, qışqırmayım mən? Dəmir dəmirdi ki, toxunsan əgər O da cingildəyər, o da səslənər.

    Cavab yaz
  • Anonim
    Ulya · 16 Avqust 19:0550

    Mən ki istəmərəm bir ürək sına, Əsəbiyəm, çünki həyəcanım var. Hardasa bir haqqın tapdanmasına Mən dözə bilmərəm, isti qanım var. Mənə biganədir soyuqqanlılıq, Hər şeyə öz ölçüm, öz tərəzim var. Sənin qərəzinin mənə dəxli yox, Mənim öz görüşüm, öz qərəzim var. De, necə od tutub alışmayım mən – Fikirsiz, məsləksiz ölü canlara? Bəli, əsəbiyəm, heç çəkinmədən Mənim əqidəmə toxunanlara.

    Cavab yaz
  • Anonim
    Ulya · 16 Avqust 19:0560

    Dünyaya gəlmişəm, qanam, anladım, Ürəyim od tutub yanar. Bəli, əsəbiyəm, çünki insanam, Mənim nifrətim var, məhəbbətim var. Quzuya da bəli, Qurda da bəli? Deyirsən, olmasm baxışım mənim? Nöqsanım budursa əgər... deməli, Ancaq naxışımdır yanlışım mənim.

    Cavab yaz
  • Anonim
    Ulya · 16 Avqust 19:0670

    Deyirlər, çox azdır yüz il, əlli il, İnsana bir ömür kifayət deyil. Hələ isitməmiş öz yerimizi Ölüm cəllad olub haqlayır bizi. Deyirlər, şirindir dadı dünyanın, Kaş iki olaydı ömrü insanın. Nola, çalışsaydıq ömrün birində, Sonra əylənəydik biz digərində. Hərə öz ömrünə bir cürə baxmış, Hərə bu dünyanı bir cürə anlar. Cahanda bəs nədən zövq alacaqmış Zəhmətin özündən zövq almayanlar?

    Cavab yaz
  • Anonim
    Ulya · 16 Avqust 19:0670

    Yüz-yüz ömür belə azdır doğrusu Bir ömrü insana az sayanlara Haramdır bu hava, haramdır bu su Əylənmək eşqilə yaşayanlara. Yaşamaq, yanmaqdır, yanasan gərək, Həyatın mənası yalnız ondadır Şam əgər yanmasa, yaşamır demək Onun da həyatı yanmağındadır. Ömrü az olsa da, qartal yenmədi Dedi, səmalarda öz oylağım var. Ömrün azlığından gileylənmədi Ömrü insan kimi başa vuranlar. «Bu dünya beş gündür»,- deyib hər yerdə Sağ ikən qəbirdə uzanan da var. Öz alın tərilə bircə ömürdə Yüz insan ömrünü qazanan da var.

    Cavab yaz
  • Anonim
    Ulya · 16 Avqust 19:0770

    Bir qız qarlı qış günündə Dibçəkdə bir gül bitirdi. Qış fəslində gülə baxıb Ürəyinə yaz gətirdi. Bu gül, əsl qızılgüldü – Ləçəkləri varaq-varaq. Tikanı bol, rəngi qızıl, Ətri yoxdu onun ancaq. * * * Qonşuluqda bir oğlanın Qəfəsdə bülbülü vardı. Oğlan onun nəğməsilə Dərdlərini ovudardı. Nə oldusa… oxumadı, Susdu bülbül birdən-birə. Oğlan düşdü min fikirə. Qonşudakı qızılgüldən Xəbər tutdu oğlan bir gün. Bülbülünü o gətirib Qənşərinə qoydu gülün.

    Cavab yaz
  • Anonim
    Ulya · 16 Avqust 19:0870

    Gül, bülbülü görən kimi, Sığallandı, tumarlandı. Gözlərinə naz-qəmzədən Sürmə çəkib xumarlandı... Oxumadı bülbül yenə Susub durdu, Lal kəsildi Bu hal gülə acıq gəldi. Gül daha da şivələndi, Susub durdu bülbül yenə Həsrət qaldı bu dar qəfəs Nəğməkarın nəğməsinə. Bu inadı görüncə gül, Rəngi soldu, Xəzan oldu Yumaq kimi tez yumuldu.

    Cavab yaz
  • Anonim
    Ulya · 16 Avqust 19:0870

    Yavaş-yavaş dilə gəldi Bu dəm bülbül Dedi: — Ey gül, məni tanı, Ürəyimdə qəm karvanı, Sən gülsənsə, ətrin hanı? Demə susub nədən bülbül? Yazım dönüb sazaq olub Köksüm başı dağ-dağ olub Vətənində dustaq olub Çox desə də, «Vətən», bülbül. Dibçəkdəsən, qəfəsdəyəm. Sən əlacsız, mən xəstəyəm. İndi özgə həvəsdəyəm, -Ağlar zədən-zədən bülbül. Zaman bizdən kam alıbdır, Daha ürək qocalıbdır. Bizdən ancaq ad qalıbdır, Nə sən gülsən, nə mən bülbül.

    Cavab yaz
  • Anonim
    Ulya · 16 Avqust 19:0990

    Səndən doymaq olarmı, həyat sən nə şirinsən! Ancaq hamının deyil, sən həyatın qədrini yalnız bilənlərinsən!.. Özünü bu dünyada heç kəs qonaq sanmamış, Ancaq ömrün özü də bərabər paylanmamış. Ömür paylanan zaman görün kimə nə düşdü Üç yüz il boz qarğaya, on il şahinə düşdü. Həyat sən nə şirinsən, kim səndən doydu getdi? Gedənlər bu dünyada qəlbini qoydu getdi. Dünən qoca bir qarı dilində ahu-zarı. «Bu dünyanın əlindən gəlmişəm zara»- dedi. "Ölmürəm ki, bir dəfə canım qurtara"- dedi. Ürəkdənmi söylədi o, bu sözü görəsən? Xeyr, inanmıram mən! O yana- yana dedi: Dili söyləsə də, ürəyində o dərhal «Lənət şeytana!»- dedi.

    Cavab yaz
  • Anonim
    Ulya · 16 Avqust 19:0970

    Səndən doymaq olarmı, həyat sən nə şirinsən! Ancaq hamının deyil, sən həyatın qədrini yalnız bilənlərinsən!.. Özünü bu dünyada heç kəs qonaq sanmamış, Ancaq ömrün özü də bərabər paylanmamış. Ömür paylanan zaman görün kimə nə düşdü Üç yüz il boz qarğaya, on il şahinə düşdü. Həyat sən nə şirinsən, kim səndən doydu getdi? Gedənlər bu dünyada qəlbini qoydu getdi. Dünən qoca bir qarı dilində ahu-zarı. «Bu dünyanın əlindən gəlmişəm zara»- dedi. "Ölmürəm ki, bir dəfə canım qurtara"- dedi. Ürəkdənmi söylədi o, bu sözü görəsən? Xeyr, inanmıram mən! O yana- yana dedi: Dili söyləsə də, ürəyində o dərhal «Lənət şeytana!»- dedi.

    Cavab yaz
    • Anonim
      ƏMRAH ƏNRAH ALMALI · 16 Avqust 19:4380

      BƏXTİYAR ƏLBƏTDƏ BÖYÜK ŞAİRDİ ONUN SÖZLƏRİ ÇOX FƏLSƏFİ ÇOX DƏRİN MƏNALIDI MƏSƏLƏN Yaşamaq yanmaqdı yanasan gərək Həyatın mənası yalnız ondadı Şəm əgər yanmırsa yaşamır demək Onun da həyatı yanmağındadı BU BİR BƏND ŞERƏ NƏZƏR SALSAQ ÇOX ŞEYLƏR ÇATAR BİZƏ HƏMİ HECALAR DƏQİB 11 YERİNDƏ HƏMİ HECA BLGÜSÜ YERİNDƏ 6-5 AXIRA KİMİ HƏMİ QAFİYƏLƏR YERİNDƏ DƏQİB HƏMİ MƏNA FƏLSƏFİ ŞƏKİLDƏ ÖZ YERİNİ TAPIR YANQINI İNSAN İÇİNDƏ ƏKS ELƏTDİRİB BİŞMİŞ ŞƏKİLDƏ ÜZƏ ÇIXARIB ALLAH RƏHMƏT ELƏSİN BÖYÜK DAHİYƏ

      Cavab yaz
      • Anonim
        ƏMRAH ƏNRAH ALMALI · 16 Avqust 20:5640

        Sənət incəliyi sənət incisi Sazda Ədalətdi sözdə Bəxtiyar Sənətilə valeh edən hər kəsi Sazda Ədalətdi sözdə Bəxtiyar Kəlmələri inci olan dürr olan Barmaqları tilsim olan sirr olan Sənət aləmində ən məhşur olan Sazda Ədalətdi sözdə Bəxtiyar Əmrah çox onlara həsəd aparar Onların sənətdə böyük yeri var Yeganə sənətkar dahi sənətkar Sazda Ədalətdi sözdə Bəxtiyar

        Cavab yaz
  • Anonim
    Ulya · 16 Avqust 19:0950

    Asta- asta yeriyib çatdı dediyi yerə. Loğman baxdı göylərə, Loğman baxdı yerlərə Bu son baxışı ilə üstündə iki yüz il Yaşadığı cahanla vidalaşdı elə bil… Özü vidaşladısa, gözü qaldı cahanla O, düşündü bu anda: «Nə görmüşəm dünyada bu dünyaya gələndən? Ah… elə bilirəm ki,dünən doğulmuşam mən. Ömrümü verdim bada, Nə görmüşəm dünyada.» Loğmanın gözü bu an bir gülə dəydi durdu. Ürəyini quş kimi gülə doğru uçurdu. «Ah… onu kim üzəcək, bircə biləydim,- dedi. O gülü də iyləyib sonra öləydim»,- dedi. Ancaq, ancaq nə fayda...Yetişmiş artıq əcəl, Loğman dedi:- Hazıram, al canımı indi sən, Əzrail dedi:- Ancaq agah eylə məni sən, Ölüm üçün nə fərqi bu çəmən, ya o çəmən? Neçin məni qoymadın orda alım canını? Loğman dedi:- Həyatın şirin olur hər anı Ordan bura gəlincə bir az ömür qazandım, Onu da bu dünyadan özümə fayda sandım.

    Cavab yaz
  • Anonim
    Ulya · 16 Avqust 19:1050

    Qoca öldü… Dedilər:- Yaranan bir gün ölər. Nəvələri çəməndən həmən gülü üzdülər, Loğmanın qəbri üstə qoydular, Titrədi gül, Gülün ətri ilə doldu bütün çayır, bütün çöl. O, ətriylə saxladı yolçuları yolundan, Torpağın altındasa bunu duymmadı Loğman. Həyat sən nə şirinsən, kim səndən doydu getdi? Gedənlər öz qəlbini dünyada qoydu getdi. Səndən doymaq olarmı, çoxun,azın da şirin. Həyat qışın da şirin, həyat yazın da şirin! Cürbəcür yazılar var ömrün varaqlarında… Həyatımın qayğısız, fərəhli anlarında qədrini bilməmişəm. Hələ nə var ki… "ömrüm qabaqdadır"- demişəm. Otuzdan adlayınca, gündə otuz min kərə Başımı yellədirəm hədər keçən illərə. Səndən doymaq olarmı, həyat, sən, nə şirinsən! Ancaq hamının deyil, sən həyatın qədrini yalnız bilənlərinsən!

    Cavab yaz
    • Anonim
      UZAQ DIYAR · 16 Avqust 22:3520

      Beyendiyim sheirlerinden biri..Çox sag olun..Poeziya axshamina,yigishmish olduq..

      Cavab yaz
      • Anonim
        Ulya · 16 Avqust 23:0700

        buyurun

        Cavab yaz
      • Anonim
        ƏMRAH ƏNRAH ALMALI · 17 Avqust 22:2700

        HƏR ŞEY MARAQLI GEDİR AMMA MƏNİ BİR DƏHŞƏT BÜRÜYÜR ALİMİN POEZİYASI MİN DƏFƏ OXUNMAYIB BƏZİ ŞEYLƏR İSƏ KÜLLÜ MİQDARDA OXUNUR BU DA MƏNİM QİSMƏTİMDƏNDİ

        Cavab yaz
  • Anonim
    Ulya · 16 Avqust 19:1050

    bu şeri B.Vahabzadə C.Bayrona hərs etmişdir....

    Cavab yaz
  • Anonim
    Ulya · 16 Avqust 19:1170

    Nə tez əllərini üzdün dünyadan, Balanı tək qoyub hara getdin sən? Necə yox olurmuş bir anda insan, Elə bil dünyada heç yox imişsən. Günəş qürub etdi… otaq qaraldı, Bir anda yox oldun sən xəyal kimi. İndi düşünürəm: Səndən nə qaldı, Könlümdə xatirən qara xal kimi. Məni boya-başa yetirdin, ana Bizə borclu bildik hər zaman səni. Sən məni dünyaya gətirdin, ana, Mənsə yola saldım dünyadan səni. Sən mənə beşikdə laylay çalmısan Bu gün laylay çalım sənə məndəmi? Sənin şirin-şirin laylalarmı Mən sənə qaytarım cənazəndəmi?

    Cavab yaz
  • Anonim
    Ulya · 16 Avqust 19:1160

    «Yuxun şirin olsun» — deyərdin mənə, «Yuxun şirin olsun» — deyimmi sənə? Gərək mən başına dönəm-dolanım, Məni həyat üçün yatıran anam, Söylə ölümçün Necə yatırım Səni mən bu gün? Bu necə dünyadır, anlamıram mən, Cilvəsi cürbəcür, rəngi cürbəcür Dünən nəfəsiylə səni isidən Bu gün buza dönüb, daşa dönübdür. Bu necə dünyadır, İnsan oğlunun Xəyalı göydədir, özü yerdədir, Sağ ikən çiynində həyatın yükü, Öləndə cəsədi çiyinlərdədir... Bu necə dünyadır, bu necə dünya, Ölümü həqiqət, həyatı röya.

    Cavab yaz
  • Anonim
    Ulya · 16 Avqust 19:1160

    Dərdimin, qəmimin səndin ortağı, . Niyə üz döndərdin, bəs niyə məndən? «Dərdin mənə gəlsin!» — deyərdin axı, Niyə dərd caladın dərdimə bəs sən?.. Anam, heç kəs səni incitməmişdir, Mən səni, mən səni incidən qədər. İndi kimə açım dərdimi bir-bir, Kim mənim dərdimə yanar sən qədər? Evin hər küncündə görünür yerin. Gözüm axtarcıdır, ana, ay ana, «Nənəm hanı?» — deyir körpə Azərin, Mən nə cavab verim, ona, ay ana? Bilmirəm, bilmirəm bu ölüm nədir, Həyat var ikən? Nəfəsin, ay anam, hələ evdədir, Özün yer altında daşa dönmüsən.

    Cavab yaz
  • Anonim
    Ulya · 16 Avqust 19:1280

    Bu gün yeddin oldu... anam, yeddi gün, Bizimlə bərabər ağlar otaqlar. Sənə, yalnız sənə, sənə deməkçün Könlümdə nə qədər mənim sözüm var. «Kimləri çağıraq bu gün yeddiyə?» Xalalar, bacılar soruşur məndən. Anamdan soruşaq, o bilər deyə, Sənin otağına üz tuturam mən. Anam, tapşırıldın ana torpağa, Bu ölüm, sinəmə çəkdi dağ mənim. Sən mənim arxamda bənzərdin dağa, Elə bil arxamdan uçdu dağ mənim.

    Cavab yaz
  • Anonim
    Ulya · 16 Avqust 19:1270

    Qızımın adıdır sənin öz adın. Bu da göz dağıdır mənə bu gün də. Son dəfə sən mənə baxıb ağladın, Surətim məzara getdi gözündə... Ömrü başa vurdun altmış yaşında. Altmışın üstündə durub yaşın da. Artıq sənin üçün dayanan zaman Mənimçün dolanır... Gün olur axşam. Vaxt keçir, sən məndən uzaqlaşırsan, Mən sənə günbəgün yaxmlaşıram.

    Cavab yaz
    • Anonim
      F.S.D. · 16 Avqust 20:3660

      Ulya xanım çox sağ olun yazan əlləriniz yorulmasın

      Cavab yaz
      • Anonim
        Ulya · 16 Avqust 20:5460

        Buyurun Gozel insan

        Cavab yaz
  • Anonim
    Rüstəmova · 16 Avqust 21:1750

    Çox sağ ol Ulya qızım bizə Bəxtiyar poeziyasını hədiyyə elədin

    Cavab yaz
    • Anonim
      Ulya · 16 Avqust 22:0530

      buyurun. sizlerde xosh teessurat yaratdimsa, chox sevindim.

      Cavab yaz
  • Anonim
    Rena220 · 16 Avqust 21:4830

    Cox sag ol Ulyacan...Anali gunlerime qayitdim...agladim sizildadim....cox erken sinesi dagli gezdim...zamanin uzu donuk....bir ocaq sondu Anasiz....arxasi ile kimleri aparmadi....

    Cavab yaz
    • Anonim
      Ulya · 16 Avqust 22:0440

      Allah ananizin timsalinda cemi dunyadan kochmush analara rehmet etsin,qalan analara da can sagligi versin. Amin

      Cavab yaz
      • Anonim
        Rena220 · 16 Avqust 22:4520

        Ulya xanim cox sag olun can...

        Cavab yaz
  • Anonim
    Şerhçi · 16 Avqust 22:01100

    Neyleyirem o üreyi,yox arzusu bir dileyi? Bacarmirsa o ,sevmeyi, Demek o heç ürek deyil, O heç mene gerek deyil. Allah rehmet elesin.gözel Şairimiz.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.