Sağlamlıq

Yeriyərkən siqaret çəkməyin təhlükəli tərəfləri

14 Mart 2026 22:56
Baxış: 1 324
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SİQARET

Rusiyalı kardioloq Valeriya Bonadıkova yeriyərkən siqaret çəkməyin sağlamlıq üçün ciddi təhlükə yarada biləcəyini bildirib.

Milli.Az xəbər verir ki, həkimin sözlərinə görə, sürətli addımlarla yeriyərkən orqanizm artıq yüklənmə rejimində işləyir, nəbz və nəfəsalma sürətlənir, ürək isə orqanizmə daha çox oksigen çatdırmağa çalışır.

Bu zaman siqaret tüstüsündə olan nikotin qan damarlarının daralmasına, qan təzyiqinin və ürək döyüntüsünün artmasına səbəb olur. Nəticədə orqanizmin oksigenə tələbatı artsa da, damarların daralması və tüstünün təsiri oksigenin çatdırılmasını çətinləşdirir.

Həkim qeyd edir ki, küçədə tələsən insanlar adətən qısa və sürətli nəfəs alır, bəziləri isə nikotini daha tez qəbul etmək üçün nəfəsini saxlayır. Bu isə ürək ritmində pozulmalara səbəb ola bilər.

Mütəxəssis xüsusilə hipertoniya, ürəyin işemik xəstəliyi, aritmiya, diabet və aterosklerozdan əziyyət çəkən şəxslər üçün yeriyərkən siqaret çəkməyin daha təhlükəli olduğunu vurğulayıb. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.