Mədəniyyət

Lənkəran teatrının iki aktyoru mükafat və fəxri adla təltif olunub - VİDEO

11 İyul 2013 15:27
Baxış: 859
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Milli.Az Cənub TV-yə istinadən xəbər verir ki, Azərbaycan teatrın yaranmasının 140 illiyi münasibətilə ölkə prezidenti tərəfindən fəxri ad alan və tərəqqi medalına layiq görülənlər arasında Lənkəran teatrının da iki aktyoru var: Təvəkkül ƏliyevSücəddin Mirzəyev.

İyunun 25-də Heydər Əliyev sarayında keçirilən təntənəli mərasimdə mədəniyyət və turizm naziri Əbülfəs Qarayev İlham Əliyevin Azərbaycan teatrının inkişafındakı xidmətlərinə görə fəxri ad verdiyi teatr xadimlərinin adlarını açıqladı. Lənkəran Dövlət Dram Teatrının aktyorları, əməkdar artist Təvəkkül Əliyev "Tərəqqi"
medalı, Sücəddin Mirzəyev isə respublikanın "Əməkdar artisti" fəxri adına layiq görüldülər. Sevincini bölüşən Təvəkkül Əliyev bildirdi ki, belə bir sarayda, belə bir gecədə lənkəranlı aktyorun adının çəkilməsi, həm də birdən iki nəfərin adının çəkilməsi möhtəşəm bir şey idi: "Həm teatrımız üçün, həm bizim üçün. Bu uğur təkcə bizim yox, teatrın yox, bütünlüklə Lənkəran xalqınındır".

Sücəddin Mirzəyev isə öz hisslərini bu cur ifadə etdi: "Mədəniyyət və turizm naziri Əbülfəz Qarayev səhnəyə çıxır prezidetin fərmanını oxuyur və bu oxuduğu insanlar içində öz adımı eşitdim. Dövlətimizin başçısına mən minntədaram ki, mənim teatrda olan zəhmətlərimi nəzərə alıb, mənə belə bir fəxri adı layiq gördülər".

Bu ilin onlar üçün uğurla başladığını deyən sənətkarlar yaradıcılıq planlarından da danışdılar. Təvəkkül Əliyev bildirdi ki, Moskva kanalı onu seriala çağırıb, daha sonra "Kabusun kölgəsində" filmində çəkilir: "Həmin serial yay mövsümünə çıxdı. İndi mən daha bir seriala çəkilirəm. "Qanun naminə" filminə çəkiləcəyəm, bir də avqust ayında bir serial başlayacaq. Başqa bir film də var "Qarabağnamə". Orada Molla Pənah Vaqifin rolunu ifa edəcəm".

Sücəddin Mirzəyev də yaradıcılıq planlarından danışdı: "Hal-hazırda "Sevginin göz yaşları" serialına çəkilirəm. Teatrda isə "Əcnəbi kürəkən" tamaşasını oynayıram".

Ancaq bu gün gənclərin teatra maraqlarının zəif olması peşəkar aktyorlarda  təəssüf hissi doğurur. Təvəkkül Əliyev dedi: "Bu gün bir məsələ də var ki, son zamanlarda gənclərin teatra marağı azalıb. Bu gün inistutdan əlavə yeni kurslar açılıb, gənclərin arzusu çoxdur. Amma çox təəssüf ki, onlar yalnız bu kurslarla kifayətlənməmlidirlər.
Onlar bu kurslarda tam ixtisaslaşa bilmirlər və atılırlar peşəkar səhnəyə".

Sücəddin Mirzəyev isə əlavə  etdi: "Mənim də belə bir qayğım var ki, gənclərin teatra gəlişi zəifləyib. Bizim teatrın direktoru İslam Həsənov teatrda gənc nəslin yetişməsi üçün studiya yaratı və bu studiyaya, doğurdan da, gənclər gəldi. İndi teatrda həmin studiyanın yetirmələri çalışırlar. Məlum şeydi ki, teatra axın azalıb. Bunun da bir sıra səbəbləri var. Kimisi rejissoriyanın zəifliyi, kimisi aktyorların qeyri-peşəkarlığı və s. Kimisi də ictimai mühitlə bağlıyır".

Milli.Az


Videonu izləmək üçün aşağıdakı şəklə klikləyin.



Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.