AzərTAc xəbər verir ki, Böyük Qafqazın cənub yamaclarında, İsmayıllı rayonunda yerləşən şəhər tipli Lahıc qəsəbəsi orijinal şəhərsalma və memarlıq abidəsidir.
Orta əsrlərdə salınmış bu yaşayış məskəninin küçə və meydanlarına daş döşənmiş, kanalizasiya və su təchizatı sistemi yüksək səviyyədədir. Lahıcda təxminən 1000 il bundan əvvəl yaradılmış kanalizasiya sistemi dünyada ən qədim analoji sistemlərdən biridir. Rus carlarının əsrlər boyu başlarına qoyduğu əfsanəvi Monomax papağının məhz burada tikilməsi ehtimal edilir.
Lahıc dövlət tərəfindən qorunan tarix-memarlıq abidəsidir. Onun adı beynəlxalq "Böyük İpək yolu" turizm marşrutuna daxil edilmişdir. Buraya hər il çoxlu turist gəlir. Bazar günləri Lahıcın dar küçələrində müxtəlif dillərdə danışan adamlara rast gəlmək olar. Lahıc sakinləri qonaqları gülər üzlə qarşılayır, öz məmulatlarını həvəslə onlara göstərir, turistlərə Lahıcın tarixi barədə məlumat verirlər.
Təkcə Qafqazda deyil, onun hüdudlarından kənarda da tanınmış ticarət və sənətkarlıq mərkəzlərindən biri olan Lahıc nəfis naxışlarla bəzədilmiş soyuq silah növləri və mis əşyalar hazırlanması sahəsində xüsusi şöhrət qazanmışdır.
Lahıcdakı bütün binalar daşdan tikilmiş, küçələrə daş döşənmişdir. Bu yerlərdə tez-tez zəlzələ baş verdiyindən lahıclı bənnalar daş və taxta-şalbandan istifadə etməklə ənənəvi tikinti texnikasını inkişaf etdirmişlər. Bu texnika öz səmərəsini vermişdir - Şamaxıda baş verən zəlzələlərin nəticələri Lahıcda görünmür.
Son illərdə Lahıc memarlıq qoruğu kimi qorunur. Burada kərpicdən və müasir materiallardan istifadə edilməklə tikinti işləri aparılması qadağan edilmişdir. Buna görə də Lahıc öz əzəli görkəmini saxlayır.
Şəhər əvvəlcə mis hasilatı mərkəzi olmuşdur. Misgərlik peşəsi uzun müddət yerli sakinlərin əsas qazanc mənbəyi olmuşdur. Lakin Lahıcda xalçaçılıq da geniş inkişaf etmişdir.
Lahıcda görməli yerlər çoxdur. Onun daş döşənmiş küçələri ilə gəzə-gəzə Tarix Muzeyinə, yerli məscidə getmək, mağazalara baxmaq olar.
Dabbaqlıq Lahıcda metal emalından sonra tarixən ən çox inkişaf etmiş sənət növüdür. Lahıclı dabbaqlar müxtəlif dəri növlərindən yüksək zövq və böyük məharətlə cürbəcür məmulatlar - ayaqqabı, kəmər, dəri gödəkcələr, kitab cildləri və yəhərlər hazırlayırdılar. Kustar xarakterli yerli dabbaqlıq peşəsinin inkişafı sayəsində sərraclıq, başmaqçılıq, papaqçılıq, dəri aşılanması və digər peşələr də geniş yayılmışdır.
Hamının ehtiramla "Usta" deyə müraciət etdiyi qoca sənətkar uzun illər boyu at üçün yəhər, yüyən və başqa ləvazimatlar hazırlamışdır. Usta artıq qocalmış, gözləri nurdan düşmüşdür. Buna baxmayaraq, hər gün iş yerinə gəlir, öz emalatxanasını açır və balaca kətilin üstündə əyləşir. Birisi ona yaxınlaşıb hal-əhval tutanda Usta məmnuniyyətlə həmin adamın suallarına cavab verir, sonra onun haradan gəldiyini öyrənir, qonağın Bakıdan olduğunu biləndə paytaxtda təzə nə xəbər olduğunu soruşur.
Milli.Az
Mədəniyyət
Sənətkarlar diyarı Lahıc - FOTO
6 Avqust 2012 20:07
Baxış: 6 437
DİGƏR XƏBƏRLƏR
- CineMastercard kinoteatrında “Cadı” filminin Qala gecəsi keçirildi - VİDEO - FOTO
- Əməkdar artist vəfat etdi - FOTO
- Şuşada “Xarıbülbül” Beynəlxalq Festivalı çərçivəsində “Anadolu Atəşi” ansamblının konserti olub - FOTO
- VII “Xarıbülbül” Beynəlxalq Musiqi Festivalının möhtəşəm açılışından reportaj FOTO
- Xarici ulduzlar Fidan Hacıyevanın birinci Beynəlxalq Opera Festivalı haqqında təəssüratlarını bölüşüblər - FOTO
- "Sən elə bir zirvəsən!” yenidən Akademik Musiqili Teatrda
XƏBƏR LENTİ
- Şuşaya qayıdışa görə, həm sevinir, həm də kədərlənirəm - Şuşa sakini
- Xərçəng əmələ gətirməyə qadir - 5 ət məhsulu
- Bakı ilə bağlı XƏBƏRDARLIQ - Saat 12-dən başlayaraq...
- Blinken Ukraynada səfərdədir - FOTO
- Şuşa şəhərinə növbəti köç karvanı yola salınıb - VİDEO - FOTOlar
- Ömrü uzadan ən vacib 5 qida
- Nəyə görə 40 yaşdan sonra təzyiq “oynayır”?
- Ölkəmizdə də müdafiə naziri mülki şəxs ola bilərmi?
- "Avroviziya"nın iştirakçısı İsveçdə mühakimə oluna bilər
- Yeni aydan sonra üç bürcün həyatında ən xoşbəxt dövr başlayacaq
- "Sizinlə qürur duyur və qarşınızda baş əyirəm" - VİDEO
- Əzələlər üçün vacib olan kalium ehtiyacını hansı qidalarla ödəmək olar? - Osman Müftüoğludan tövsiyələr
- Putin bizi nüvə eskalasiyasına yaxınlaşdırıb - Sunak
- Ruslar ukraynalıların zəif nöqtəsini tapdı
- “Google” azad olunmuş ərazilərin erməni dilində olan toponimlərini niyə salmır? - VİDEO
- Putin yerdəyişməsi: “varisi”nin üstündən xətt çəkdi
- Türkiyədə dövlət işçilərinə bu avtomobillərdən istifadə qadağan edildi - FOTO
- Azərbaycanda faciəli şəkildə həlak olan qazinin GÖRÜNTÜSÜ - ANBAAN VİDEO
- Bədənin hansı hissəsindəki şişkinlik nə mənayə gəlir? – Bu halda həkimə müraciət edin!
- Rusiya Müdafiə Nazirliyi Kadrlar Baş İdarəsinin rəisi həbs olunub
- İspaniyada ilk dəfə: Siçovul xəstəliyi aşkar edildi
- Mahsun Kırmızıgül Vəfanın duet təklifini RƏDD ETDİ
- İsveçrədə anonim bloger göydən pul səpdi - VİDEO
- Tale may ayında iki bürcün gücünü sınayacaq: Çətinliklərə hazır olun