Şou-biznes

Əməkdar artist: "8 gün sonra qardaşımın meyiti TAPILDI"

8 Fevral 2026 16:58

Baxış: 495

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MƏŞHURLAR #MÜĞƏNNİ #ƏMƏKDAR ARTİST

Əməkdar artist Almaz Ələsgərova ailə faciəsi ilə bağlı ilk dəfə danışıb.

Milli.Az xəbər verir ki, müğənni "Həftənin qonağı" verilişində dənizdə boğularaq həyatını itirən qardaşı barədə xatirələrini bölüşüb. O bildirib ki, qardaşı balıq tutmaq üçün evdən çıxıb və geri qayıtmayıb:

"47 yaşında dünyasını dəyişdi. Həyat yoldaşına balıq ovuna gedəcəyini demişdi. Mərhum Əməkdar artist Cabir İmanovla birlikdə balıq tutmağa gedirdilər".

Almaz Ələsgərova deyib ki, qardaşı iki gün ərzində evə dönməyib və üçüncü gün ailə üzvləri narahat olmağa başlayıblar:

"Yoldaşı zəng edib dedi ki, artıq üçüncü gündür xəbər yoxdur, telefonu da cavab vermir. Axtarışlara başladıq. Orada nələr baş verdiyini hələ də bilmirik. Sanki nəsə gizlədildi".

Müğənninin sözlərinə görə, qardaşının meyiti yalnız səkkiz gün sonra tapılıb:

"Dalğalar onu sahilə vurmuşdu. İdmançı idi. Əgər sinə ilə nəfəs almasaydı, yəqin ki, xilas ola bilərdi. Burunla nəfəs alsaydı, sudan çıxa bilərdi. Deyəsən, suya düşən kimi batıb".

Almaz Ələsgərova baş verənlərlə bağlı heç kimi ittiham etmədiyini də vurğulayıb.

Hüseyn
Milli.Az