Mədəniyyət

Azərbaycanın Əməkdar artisti vəfat etdi

1 Avqust 2024 13:52

Baxış: 7 264

#SERİALLAR #MƏDƏNİYYƏT #TEATR #ƏMƏKDAR ARTİST #AKTRİSA

Lənkəran Dövlət Dram Teatrına ağır itki üz verib.

Milli.Az qaynarinfo-ya istinadən xəbər verir ki, teatrın aparıcı aktyoru, Əməkdar artist Zemfira Nəcəfova dünyasını dəyişib.

Teatrın əməkdaşı Namiq Ağayev məlumatı təsdiqləyib. O, Qaynarinfo-ya açıqlamasında bildirib ki, Zemfira Nəcəfova uzun sürüən xəstəlikdən sonra dünyasını dəyişib:

"Hazırda Zemfira Nəcəfovanın dəfni ilə bağlı hazırlıq işləri görülür. Əməkdar artistin cənazəsi teatrdan götürüləcək".

Qeyd edək ki, Zemfira Nəcəfova 1950-ci ilin 1 aprelində Bakı şəhərində anadan olub.1975-ci ildə M. A. Əliyev adına Azərbaycan Dövlət İncəsənət İnstitutunu bitirib və həmin ildən Lənkəran Dövlət Dram Teatrın da aktrisa vəzifəsində çalışıb. 30 dekabr 2015-ci ildə Azərbaycan Respublikasının Əməkdar artisti fəxri adına layiq görülüb.

Bir çox tamaşalarda oynayan mərhum aktrisa "Günəşim ol" serialında da rol alıb.

Milli.Az
Xəbərlərimizi WhatsApp kanalımızdan da oxuyun