Mədəniyyət

Oqtay Zülfüqarovun anadan olmasının yubiley konserti baş tutub - FOTO

27 May 2024 17:15
Baxış: 572
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan Respublikasının xalq artisti, "Şöhrət" ordenli bəstəkar Oqtay Zülfüqarovun anadan olmasının 95 illiyinə həsr olunmuş yubiley konserti baş tutub.

Azərbaycan Respublikası Mədəniyyət Nazirliyinin dəstəyi ilə Azərbaycan Dövlət Uşaq Filarmoniyasında ömrünün 60 ilindən çoxunu uşaqlara həsr etmiş bəstəkar Oqtay Zülfüqarovun 95 illiyinə həsr olunmuş xatirə gecəsi keçirilib.

Konsertdə giriş sözünə bəstəkarın yaxın dostu, professor Vidadi Xəlilov başlayıb. Vidadi Xəlilov bəstəkar haqqında xatirələrini, söhbətlərini tamaşaçılarla bölüşüb.

Saysız hesabsız uşaq mahnılarının müəllifi Oqtay Zülfüqarov ömrünün yarıdan çoxunu uşaqların əhatəsində keçirib. Təsadüfi deyil ki, məhz bu yubiley gecəsi də uşaqların hazırladığı konsert proqramı ilə yadda qalıb. Proqramda bəstəkarın dillər əzbəri olan "Ad günü", "Vətən", "Bakı", "Göyərçin", "Nənə" və başqa mahnıları Oqtay Zülfüqarovun nəticələri və Dövlət Uşaq Filarmoniyasının "Şəms" uşaq xoru, "Güləbətin" vokal ansamblı tərəfindən böyük sevgi və həvəslə ifa olunub.

Konsertin sonunda bəstəkarın oğlu Əməkdar İncəsənət Xadimi, bəstəkar Cahangir Zülfüqarov belə gözəl proqrama görə Dövlət Uşaq Filarmoniyasının direktoru Əməkdar İncəsənət Xadimi Dilarə Əliyevaya və Uşaq Filarmoniyasının istedadlı balalarına dərin minnətdarlıını bildirib.

İnformasiya dəstəyi -  Trend.Az, Day.Az, Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.