Mədəniyyət

Azərbaycan ədəbiyyatına ağır itki - FOTO

12 Fevral 2024 21:43
Baxış: 5 005
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan uşaq ədəbiyyatının tanınmış simalarından biri, Azərbaycan və İsrail Yazarlar Birliyinin üzvü, şair-dramaturq Simax Şeyda bu gün - fevralın 12-də Almaniyanın Münhen şəhərində vəfat edib.

Milli.Az modern.az-a istinadən xəbər verir ki, bu barədə Azərbaycan Dağ Yəhudiləri Dini İcması məlumat yayıb.

İcma şairin vəfatı ilə bağlı başsağlığı verib 

Simax Yuşbayev 1936-cı il iyunun 20-də Oğuz rayonunda anadan olub. 1940-cı ildə ailəliklə Gəncə şəhərinə köçüb. Azərbaycan Dövlət Universitetinin kitabxanaçılıq fakültəsində təhsilini davam etdirib.

Simax Şeydanın "Ədəbiyyat və incəsənət", "Azərbaycan pioneri", "Azərbaycan" qəzetlərində və "Göyərçin" jurnalı səhifələrində uşaq şeirləri, mənzum nağılları dərc olunub. Uşaqlar üçün qələmə aldığı mənzum pyeslər oxucular tərəfindən rəğbətlə qarşılanıb. Simax Şeydanın "Təyyarə", Mən balaca kosmanavtam", "Yaxşı qız", "Tülkü-tülkü- tünbəki", "Nəğməli meşə", son illər yazdığı "Kimin belə qızı var", Nağıl istəyən qız", "Yoxdur belə nənədən", "Qızım qızlar içində", "Topçu Həsən" və s. kitabları kütləvi tirajla işıq üzü görüb. Yazıçın bu günə kimi 24 kitabı işıq üzü görüb. Əsərlərini iki dildə - həm Azərbaycan türkcəsində, həm də dağ yəhudilərinin dilində yazıb. Azərbaycan klassik ədəbiyyatını dağ yəhudilərinin dilinə tərcümə edib və bütün dünyaya yayılmasına çalışıb. Tərcümələri Amerikada, Kanadada nəşr edilib.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.