Mədəniyyət

Beynəlxalq Muğam Mərkəzində “İncə sənət” adlı proqram təqdim edilib - FOTO

29 Noyabr 2023 20:15

Baxış: 720

VTB-də minimal faiz dərəcəsi ilə nağd kredit 10.49%-dən

Noyabrın 25-də Beynəlxalq Muğam Mərkəzində "İncə sənət" adlı proqram təqdim edilib.

Poeziya, nəsr, musiqi və rəssamlığı bir araya gətirən tədbirdə zərif cinsin nümayəndəsi olan xanım sənətçilər öz yaradıclıq nümunələrini, sənət hisslərini tamaşaçılarla bölüşüblər.

Qonaqlar ilk olaraq BMM-nin foyesində Mehriban Şəmsədinskayanın əsərləri ilə tanış olublar. Baxdıqca insana zövq verən tablolar istedadlı rəssamın iç dünyasının rəngarəngliyini, ecazkarlığını əks etdirirdi. Bu rənglər fonunda daha sonra şeir, musiqi və hekayətlər fonunda P.İ.Çaykovski adına Moskva Dövlət Konservatoriyasının məzunu Nazxanım Dadaşova (piano), Əməkdar artist Ceyla Seyidova (skripka), yazıçı və şairə, YARAT Müasir İncəsənət Məkanının sosial və maarifləndirici proqramlar şöbəsinin rəhbəri Ülviyyə Axundova( poeziya/nəsr ), Nigar Cəfərova (soprano),Elnarə Məmmədova (soprano) və Gülsüm Xəlilova (soprano) Avropa və Azərbaycan bəstəkarlarınının əsərlərindən ibarət unuldulmaz musiqi gecəsində fərqli ifaları ilə tamaşaçıların diqqətini hakim kəsə biliblər. Tamaşaçılara öz sənət dünyalarından pay verən incə ruhlu xanımların çıxışları alqış və sevgilərlə qarşılanıb.